Osasunak Real Madrilen aurka lortutako garaipen gozoak amaiera gazia izan zuen harmailetan. Atzo, partida amaitutakoan, Espainiako Polizia zale bat identifikatzen saiatu zen hego harmailean —Indar Gorri taldea egon ohi den tokian—, zelaira botila bat botatzea egotzita. Horren ondorioz, istiluak sortu ziren, eta Poliziak eta Sadarreko segurtasun zaindariak afizionatuen aurka oldartu ziren estadio barruan, baita kanpoan ere geroago. Bi lagun atxilotu zituzten—bat kalean da jada—.
Una victoria empañada por unos hechos muy graves.
— Sadar Bizirik (@sadarbizirik) February 21, 2026
Vamos a exigir responsabilidades por esta cacería contra la afición en nuestro propio estadio.
En breve, anunciaremos iniciativas al respecto.
¡¡Basta de acoso al osasunismo popular!!
6 Marzo, 19:00 horas, Plaza de los Fueros. pic.twitter.com/0hHYH021sf
Zaurituak ere izan ziren, eta bat ospitaleratu egin zuten. Itxuraz, Poliziarengandik ihesi zebilela erori, buruarekin lurra jo eta konorterik gabe geratu zen.
Espainiako Gobernuak Nafarroan duen ordezkaritzaren arabera, lau lagun zauritu ziren, bi zaletu eta bi agente, eta istiluak hasi ziren zaletuak poliziekin «oldarkor» jarri zirelako.
Final del partido en el Sadar.#osasuna #RealMadrid #LALIGAEASPORTS pic.twitter.com/dnZx6qVmEo
— David Garcia (@_Daviigarcii) February 21, 2026
Bertan ziren askok, sareetan, afizionatuen aurka erabilitako indarkeria salatu dute; Poliziari egotzi diote «inbutuak» sortzea eta bertatik igarotzen zen oro astintzea.
Osasunak jakinarazi du barne ikerketa bat egingo duela gertatutakoa argitzeko. Klubak, gauerdian helarazitako oharrean, adierazi du estadio barruan gertatutakoa gaitzesten duela, «izua ematen duten eszenak» izan direla, eta sentitzen duela horrek Sadarretik irteten ari ziren bazkideei eragindako kaltea.
