Igandean Bilbon desagertutako 13 urteko neska baten bila aritu da Ertzaintza azken orduetan, eta bazkalostean jakinarazi dute bizirik agertu dela. Eusko Jaurlaritzako Segurtasun Sailak baieztatu duenez, adingabearen sendiak igandean aurkeztu zuen salaketa, ekainaren 7an, eta, atzotik, desagertzearen berri ematen zuen kartela asko zabaldu da sareetan.
Vost Euskadi taldeak jakinarazi du bizirik aurkitu dutela gaztetxoa, eta eskatu du sareetan hedatutako irudiak ezabatzeko.
Bestalde, joan den zapatuan Bernedoko (Araba) Okina mendian desagertutako 81 urteko gizonezkoa ere onik aurkitu dutela jakinarazi du Segurtasun Sailak. Zehaztu dutenez, bilaketan parte hartzen ari zen gazte talde batek aurkitu zuen, atzo, 23:30 inguruan.
