Jose Antonio Rodriguez izango da Jonan Fernandezen ordezkoa Jaurlaritzan

GASTEIZ. Jose Antonio Rodriguez Ranz izango da Eusko Jaurlaritzako Giza Eskubideen, Bizikidetzaren eta Lankidetzaren idazkari berria. Hala, aurreko legealdian Jonan Fernandezen esku zegoen ardura hori bereganatuko du. Lehendakaritzaren menpe zegoen egitura hori orain arte, baina Justizia eta Gizarte Politiken Sailaren menpe geratuko da hemendik aurrera, Beatriz Artolazabal sailburuaren ardurapean.