Ez da Nafarroako Gobernuko kontseilaririk ezagunena, eta oharkabean utziko du kargua Juan Cruz Cigudosak. Madrilera zuzenduko da, Espainiako Gobernuan Zientziak, Berrikuntza eta Unibertsitateak arloko estatu idazkari izango da aurrerantzean.
2019tik Unibertsitateko, Eraldaketa Digitaleko eta Berrikuntzako kontseilari izan da. Abuztuan kargu horretarako proposatu zuten berriz.
Abenduaren 5ean egingo du estatuko idazkari karguaren zina. Espainiako Gobernuan goi kargu bat izango duen PSNko bigarren ordezkaria da. Elma Saiz Inklusio, Gizarte Segurantza eta Migrazioak saileko ministroa da beste goi karguduna.
Cigudosaren ordezkoa ez du oraindik jakinarazi Nafarroako Gobernuko lehendakari Maria Txibitek. Datozen egunetan ezagutaraziko duela espero da.
