ELA sindikatuak jakinarazi duenez, mendia garbitzen ari zela zuhaitz batek kolpatu egin zuen langile bat, joan den ostegunean, Amoroton (Bizkaia), eta istripu horrek eragindako zaurien ondorioz hurrengo egunean hil zen behargina. Sindikatuak adierazi du langilea baso garbiketa lanetan ari zela, eta gainerako du basogintzako sektorean aurten lan istripuz zendutako laugarren pertsona dela. ELAren arabera, zuhaitzen kolpeek eragindako heriotzak ugaritu egin dira azken urteetan, eta «erraz saihestu» ahalko lirateke, «lan prozedura zehatzak eta segurtasun distantziak» ezarriko balira.
Sindikatuaren arabera, aurten dagoeneko 47 pertsona hil dira haien lanpostuetan.
Horri lotuta, ELAk patronalari eskatu dio «absentismoaren diskurtso faltsua» alde batera utzi eta enpresek laneko arriskuen prebentzioan egiten dituzten inbertsio
ekonomikoen hazkundea bultzatu dezala.
