Nagua Alba Ahal Dugu-ko Euskal Autonomia Erkidegoko idazkari nagusi izandakoak Juan Karlos Izagirre EH Bilduren Donostiako alkategaia babestu du maiatzaren 28ko udal hauteskundeei begira. Gara egunkariak argitaratutako iritzi artikulu batean, kexu agertu da Donostiaren egoerarekin, batez ere etxebizitzaren gaian, eta adierazi du Izagirrek hiria «zaindu» dezakeela: «Lagun batek [...] esan zidan Donostiak Venezia bihurtzeko arriskua zuela [...]; han bizitzea ezinezko bihurtu da bere bizilagunentzat [...]. Uste dut garaiz gaudela saihesteko, berriro edukitzeko hiri abegikor hura, harro erakustekoa, baina bizi dutenek egina. Baina hori bakarrik gertatuko da udaletik irteten badira hiria hondatzen dutenak, eta donostiarrek babesten badute, Juan Karlos Izagirre bezala, hura zaintzeko gobernatzera iritsi daitezkeenak».
Albak azaldu du «beste Donostia bat posible delako itxaropena berreskuratzen» duela Izagirre entzutean zenbait proposamen egiten; auzoen saturazio maila eta biztanleriaren zaurgarritasun maila neurtzea, kasu.
Alba (Donostia, 1990) Ahal Dugu-ko idazkari nagusi aukeratu zuten 2016ko martxoan, eta 2017ko abendura arte egon zen karguan. Espainiako Kongresuan diputatua ere izan zen 2016tik 2019ra bitartean.
