Haurtzaroan barneratzen dira jokabide eta aurreiritzi arrazista asko. Nahi gabe gertatzen da askotan, oharkabean, eta baliteke horrek etorkizuna baldintzatzea. Azkenaldian, Euskal Herrian hainbat ekinaldi abiatu dituzte arrazakeriaren gaia eskoletan lantzeko.

Klima krisiak itsas mailaren igoera azkartu du, eta Ozeano Pazifikoko uharte txikiak arriskuan jarri ditu. Bi segundoan behin klima hondamendiek lekualdaketa bat eragiten dute. Tuvalu da arrisku gehien duten irletako bat, eta gaur egun, mareak gora egiten duenean, herrialdearen %40 ur azpian gelditzen da.

Arabismoak ez dira falta euskaran. Egunerokoan arabiar jatorriko hainbat hitz erabiltzen ditugu: alkate, azoka, izara... Koldo Mitxelenak iradoki zuen bazirela euskarak zuzenean hartutako maileguak.

Bolero-z harago, orkestrarako moldeak irauli eta testura, kolore eta tonu berriak bilatu zituen musika artisau bat izan zen Maurice Ravel ziburutarra. Sarri Euskal Herrian aurkitu zuen bere ezin eta zaputzaldien sendabidea.

Txantxarako eta umore eskatologikoGorputzeko iraizkinekin zerikusia duten hitzak eta gaiak erabiltzea.rako ufadak dira uzkerrak eta putzak. Hesteetako flora edo mikrobiota desorekatuen seinale ere badira, ordea. Adituek diote haize-minen maiztasunari eta usainari erreparatu behar zaiela, patologia ere bihur baitaitezke.

Inauteri garaia da. Besta ez da jai, ordea, batzuen mozorroak bertzeen eskubideak zapaltzen dituenean. Hori gertatzen ohi da inauterietan: zapaldutako kolektiboei buruzko estereotipoak sendotzen dituzte.

Naroa Asensio, Izaro Irazu, Ander Beunza eta Lier Sarasola batxilergoko bigarren mailan ikasten ari dira gaur egun, Andoaingo Aita Larramendi ikastolan (Gipuzkoa). Pandemia hasi zenean, duela bost urte, 12 urte zituzten. Bizipen desberdinak izan zituzten, baina gai batean denek bat egiten dute: «Orain berriro gertatuko balitzaigu, askoz ere gehiago sufrituko genuke».

ICE Immigrazioaren eta Aduanaren Polizia Indarrak sarekadak egiten ari dira papergabeak atxilotzeko. 2022ko datu ofizialen arabera, 11 milioi papergabe daude AEBetan, eta %77k bost urte baino gehiago daramatzate han. Haietako batzuekin hitz egin du BERRIAk.

Txinako enpresak adimen artifizialeko aplikazio bat sortu du: ChatGPTren funtzio bera du, baina 27 aldiz merkeagoa izan da hori garatzea. Dardarka jarri ditu AEBetako erraldoi teknologikoak.