Kongoko Errepublika Demokratikoan daude munduko kobalto eta koltan erreserba nagusiak. Sakelakoak egiteko erabiltzen dira mineral horiek, baina meategietan ehunka lagun hil dira. 

Petronorren isuri batek Muskizko herritarrei erasan die. Etxean geratzeko eskatu zien Jaurlaritzak otsailaren 26an, eta hilaren 27an, airearen kalitatea pitin bat hobetu arren, ahal dela ez irteteko gomendioa egin die. Zer den bentzenoa eta nola eragiten dien herritarrei; artikulu honetan galdera horiei erantzun die BERRIAk.

Lanperna-musuak normalean ez dira kostaldera hurbiltzen, baina, azken asteetako denbolareak direla eta, hondartzetara iritsi dira. Lautik hiru hilik aurkitu dituzte.

Lurreko hodeien estaldura gutxitzen ari dela ohartarazi du NASAko ikerlari talde batek. Joera horrek jarraituz gero, litekeena da klima aldaketa areagotzea, hodeien funtzioetako bat Lurraren tenperatura erregulatzea baita.

Geometria fraktalaren bidez uler daitezke naturan arbitrarioak diruditen figura asko: zuhaitzak, hostoak, zainak, elur malutak... Benoit Mandelbrot matematikariak izendatu zituen fraktalak, duela 50 urte. 

Europako Batasasunak Mercosurrekin sinatutako merkataritza itunaren ondorioz, laborariek galzorian ikusten dute laborantza. Lehiatu ezinak kezkatzen ditu laborariak, eta horregatik ekin diote errepideak, portuak eta bestelako azpiegiturak blokeatzeari. 

Munduari denbora agortzen ari zaio. Parisko Itunean aipatzen den 1,5 graduko tenperatura igoeraren helburua lortzeko aukera gero eta txikiagoa da. Ituna sinatu zenetik %10 handitu dira CO2 isurketak, eta iaz ere handitu egin ziren aurreko urtekoen aldean.

Guggenheim Urdaibai proiektua bertan behera utzi du proiektua kudeatu duen patronatuak, eta erabaki hori «herriaren garaipen bat» izan dela sinetsita, ospatzeko ekitaldi bat iragarri du egitasmoaren aurkako herritar plataformak, otsailaren 7rako.

800 megawatteko zentral hidroelektriko bat egin nahi du Accionak Nafarroan, Alaitz mendian. Otao herriko lurretan, bi urtegi eraikiko lituzkete, eta goikotik behekora 640 metroko jauzia egongo litzateke. Zentrala eraikiko balitz, Nafarroan kontsumitzen den argindarraren %43 sortuko luke azpiegiturak, ahalmen betean arituko balitz.