25 urte bete dira Aitor Zabaleta labankada batez hil zutenetik, 28 urte zituela, Madrilen. Haren oroimena bizirik mantentzeko, Aingeru Gorrotxategik Zerutik kantua idatzi dio, eta BERRIAk Reale Arenako harmailetan grabatu du abestiaren bideoa. Gorrotxategik «lotura pertsonal sakona» du gertatutakoarekin: duela 24 urte konposatu zuen abestia, eta, eragiten zion «tristura» zela medio, orain arte ez du grabatu. BERRIAk Gorrotxategi elkarrizketatu du, eta igandean argitaratuko du elkarrizketa hori.
Hain zuzen, igandean Realak ere Aitor Zabaleta gogoratuko du. Talde txuri-urdinak Betisen aurka jokatuko du 16:15ean, eta iragarri dute partida baino lehen eta partidaren ondoren omenduko dutela. «Igandean hamabik jokatuko dugu berriro», esan dute Realekoek.
Ikusi gehiago
