Protagonista ugari izan ditu Oscar sarietako 88. edizioak. The Revenant filma zen faboritoa sari garrantzitsuenetan, hamabi izendapen baitzituen, eta horietako hiru eskuratu ditu; tartean Alejandro Gonzalez Iñarritu izendatu dute zuzendari onena eta Leonardo Di Caprio aktore protagonista onena.
Iñarritu zuzendari onena eta @LeoDiCaprio gizon aktore onena #TheRevenant-engatik #Oscarshttps://t.co/XXPRfdsMRJpic.twitter.com/vvHzoN8TrA
— Berria.eus (@berria) 2016(e)ko otsailak 29
Inor gutxik lortu duena lortu du Iñarrituk; bi urtez jarraian zuzendari onenaren saria jasotzea -iaz, Birdman-i esker eskuratu zuen-. Di Capriok, berriz, seigarren izendapenean lortu du saria. Bestalde, Brie Larsonek irabazi du emakume aktore onenaren saria, The Room-en eginiko lanarengatik.
Brie Larsonentzat emakume aktore onenaren saria; Ennio Morriconek ere badu berea https://t.co/XXPRfdsMRJ#Oscarspic.twitter.com/GCiFGVvUw5
— Berria.eus (@berria) 2016(e)ko otsailak 29
Film onenaren saria, ordea, Spotlight ikerketa kazetaritzari buruzko pelikularentzat izan da. Mad max izan da sari gehien bildu dituena, guztira sei lortuta.
Beste sari batzuen artean, aipagai da Enio Morriconek bere lehen Oscarra eskuratu duela 87 urterekin The hateful eight filmaren soinu banda egiteagatik.
