Mitoaroaren hirugarren ekitaldiaren oihartzunak ez dira itzali oraindik San Mamesen, eta hurrengo saiorako motorra piztuta daukate dagoeneko Zetak taldeko kideek. Beste ikuskizun bat iragarri dute urtarrilerako, eta igande honetan, ekainak 21, jarri dituzte sarrerak salgai. BERRIAlagunek aukera izan dute sarrerak aurretiaz eta merkeago erosteko, baina agortu dira sarrera horiek.
BERRIAlagun bakoitzak nahi beste sarrera erosteko aukera izan du. 48,5 euroan saldu dira sarrera horiek —kudeaketa gastuak barne—, eta harmailakoak ziren guztiak.
Ia bi urteko abentura izan da Mitoaroa: 2025eko urtarrilean izan zen lehen emankizuna, Iruñeko Nafarroa Arenan; 30.000 lagun inguru elkartu zituzten orduan. Handik bederatzi hilabetera, Donostiako Illunben, bigarren emankizunean, 40.000 lagun elkartu zituzten. Eta asteburu honetan, 80.000 zale inguru joan dira hirugarren emankizunera, Bilboko San Mames estadiora.
BERRIAk, 23 urte
Justu gaur bete ditu urteak BERRIAk; 2003ko ekainaren 21ean argitaratu zen lehen zenbakia, eta gaur 23 urte bete ditu egunkariak, beraz. Urteurrenarekin batera, kanpaina berezi bat abian izan du BERRIAk: euskarazko egunkari nazionala babesteko ekarpena egiten dutenek elastiko bat jasoko dute opari. Promozio hori ere gaur bukatuko da.
