Urtarrilaren 12an hil zen Joxan Artze idazle, txalapartari eta Ez Dok Amairu taldeko kidea. Eta omenaldia egingo diote Donostiako Udalak eta San Telmo museoak, apirilaren 24an.
"Haren poesiaren, musikaren, dantzaren, soinuen eta irudien arteko elkarrizketa" eginez oroitu nahi dute Artze, eta horretarako, ekitaldian parte hartuko dute haren lagun eta kolaboratzaileek. Apirilaren 24an izango da ekitaldia, San Telmo museoan, 20:00etatik aurrera. Momentuz ez dute xehetasun gehiagorik eman.
Artzeren hitz asko abesti bihurtu ostean egin ziren ezagun. Mikel Laboak musikatu zituen haietako asko eta asko, baina ez hark bakarrik.
Diskurtso gogorra izan zuen Artzek, esate baterako artearen inguruan. Denborarekin hitzak aldatu arren, koherente izan zen.
