Lonconek jaso du Rene Cassin saria

Elisa Loncon Antileo ekintzaile eta politikari txiletarrak (Lefweluan, Txile, 1963) jaso zuen aurtengo Rene Cassin saria, atzo, Gasteizen, Iñigo Urkullu EAEko lehendakariaren eskutik argazkian. Txileko biltzar konstituziogileko presidentea izan da Loncon, eta, atzo nabarmendu zuen «historia berri bat» bizitzen ari direla Txilen,«boteretik kanpo» egon direnak ari baitira idazten konstituzio berria, «parekidetasunez».