Albistea entzun

Borondatea bai, eperik ez

Bat egin ez arren, Jaurlaritza eta Espainiako Gobernua prest azaldu dira transferentziak adosteko
Isabel Zelaa Espainiako Gobernuko bozeramailea, atzo.
Isabel Zelaa Espainiako Gobernuko bozeramailea, atzo. JUAN CARLOS HIDALGO / EFE Tamaina handiagoan ikusi

Jon O. Urain -

2019ko apirilak 13

Bi aldeek adierazi dute borondatea, baina, negoziazio mahaian ados jarri ezinda, epe zehatzik finkatu gabe jarraituko dute hizketan. Eusko Jaurlaritzak eta Espainiako Gobernuak katramilatuta segitzen dute 1979ko estatutuaren arabera Jaurlaritzari dagozkion baina oraindik Madrilen esku dauden eskumenak eskualdatzeko prozesuan, azken egunetan «sakoneko desadostasunak» agertu baitira transferentzia horiek negoziatzeko mahai teknikoan.

Ekonomikoak dira desadostasunak, eta horiek xehatu zituen atzo Josu Erkoreka Jaurlaritzako bozeramaileak: «Elkarrizketak akordiorik gabe bukatu genituen, baina Eusko Jaurlaritzaren jarrera berdina da; gu ez gaude hauteskunde kanpainan, prest gaude datozen egun eta asteetan negoziatzen jarraitzeko, bidean dauden transferentziak gauzatu ahal izateko». Herenegun «ezinezkoa» zen akordioa, baina ezein gobernuk ez ditu elkarrizketak apurtutzat eman, Erkorekaren arabera. Halaber, elkarrizketen konplexutasunaz ohartarazi zuen, esanez kontuan hartu behar dela eskualdaketa guztiak «artisautza lan bat» direla: «Hemen, gure eskumenak, arlo askotan, bereziak dira, eta eskualdaketak ere modu berezian diseinatu behar dira. Bestalde, gure finantzaketa sistema itunpekoa da. Biengatik, eskualdaketa guztiak banan-banan landu behar dira».

Lanketa horretan «aurrerapauso nabarmenak» eman dituztela azpimarratu zuen Erkorekak: «Arlo juridikoan asko aurreratu dugu, eta posizioak hurbildu dira, baina arlo ekonomikoan ez dira oraindik behar adinako hurbilketak gauzatu». Atal horretan, Jaurlaritzak «azken 30 urteetan defendatu izan duen planteamendu bera» babestu du, «eskualdaketa guztietan orain arte jaso izan dena, duela bost hilabete eginikoetan barne». Bestelako irakurketa bat egin du, ordea, Madrilek.

Bizkaiko eta Arabako AP-68aren kudeaketa, produktu farmazeutikoen legeen aplikazioa, ohiko erretiroaren aurretiko laguntzak enplegu erregulazio espedienteen eraginez kaltetutakoentzat eta eskola asegurua: horiek dira mahai gainean dauden eskumenak, eta eskualdatzeko «borondate irmoa» azaldu zuen atzo Isabel Zelaa Espainiako Gobernuko bozeramaileak. Bi gobernuen arteko desadostasunen neurria txikitu zuen Zelaak; haren arabera, lau eskumenetako bat adostuta daukate, eta «xehetasun batzuk» baino ez dira falta beste hiruretan.

Eskumenen negoziazioari buruz mintzatu zen atzo Iker Casanova EH Bilduko legebiltzarkidea ere: «Utzi egin behar diogu denbora galtzeari; estatus berri baterako jauzia egin behar dugu». Era berean, esan zuen ezin dutela onartu «eskola aseguruak lortzeko borroka epiko bat eduki behar izatea». Horregatik, beharrezkotzat jo zuen Espainiako Estatuarekin «berdintasunezko harreman bat» izatea, «etorkizuna erabakitzeko ahalmena» izateko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...