Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Eusko Legebiltzarrak aurrera atera du natura ondarea babesteko legea

EAJ, EH Bildu, PSE-EE eta PP+C's-ek eman diote oniritzia. Elkarrekin Podemos-IUk uste du arauak ez diola «ingurumen krisiari erantzuten»
Gorbeiako natur parkea, artxiboko irudi batean.
Gorbeiako natur parkea, artxiboko irudi batean. RAUL BOGAJO / FOKU Tamaina handiagoan ikusi

Oihane Puertas Ramirez -

2021eko azaroak 26

Eusko Legebiltzarrak Euskal Autonomia Erkidegoko Natura Ondarea Kontserbatzeko Legea onartu zuen atzoko osoko bilkuran. Arantxa Tapia Ekonomiaren Garapen, Jasangarritasun eta Ingurumeneko sailburuaren arabera, legearen helburua da «euskal natura ondarea babestea, kontserbatzea, kudeatzea, modu iraunkorrean erabiltzea, lehengoratzea eta hobetzea». Gaineratu du araudia «Nazio Batuen Garapen Iraunkorrerako Helburuen eta Basque Country 2030 Agendaren barruan» dagoela.

EAJk, EH Bilduk, PSE-EEk eta PP+C's-ek legearen alde bozkatu dute, eta Elkarrekin Podemos-IU izan da legearen aurka bozkatu duen bakarra; Vox abstenitu egin da. Miren Gorrotxategi Elkarrekin Podemos-IUko buruaren iritziz, legeak «ez dio gaur egungo ingurumen krisiari erantzuten», eta adierazi du onartutako zuzenketak «azalekoak» direla. Gaineratu du legearen helburu nagusia izan daitekeela «inolako oztoporik ez jartzea» natura ondareko gune babestuetan egiten diren jarduera ekonomikoei.

Mikel Otero EH Bilduko legebiltzarkideak, ordea, Elkarrekin Podemos-IUk legearen izapidetzean izan duen jarrera salatu du, eta adierazi du hori ez dela «aurrera egiteko modua». Era berean, nabarmendu du gaur egungo «krisi ekologikoari» aurre egiteko «beharrezkoa» dela «erreminta kutxa osoa irekitzea, kasu bakoitzean egokiena dena erabiliz».

«Berritze» bat

Eusko Jaurlaritzak eta EH Bilduk Natura Ondarea Kontserbatzeko Lege berria adostu zuten irailean, araudiak «berritze bat» behar zuelako. Oteroren iritziz, ordura arte zegoen «legearen alderdi asko hobetzea» lortu zuten. Legebiltzarkideak azaldu zuenez, araudi berriarekin, besteak beste, aurrekontu partida zehatzak egingo dituzte, eta korridore ekologikoei bultzada emango zaie. Jaurlaritzak baztertu egin zituen Elkarrekin Podemos IUren proposamenak, eta, Gorrotxategiren ustez, Jaurlaritzak «aukera paregabea» galdu zuen «ingurumen politika indartsuen alde» egiteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maddalen Iriarte EH Bilduko bozeramailea, atzo, Eusko Legebiltzarrean. ©JAIZKI FONTANEDA / FOKU

«Aukera bat» aurrekontuei

Jon O. Urain

EH Bilduk ez dio osoko zuzenketarik jarri Jaurlaritzaren aurrekontu proiektuari, «elkarrizketarako borondate zintzoa» erakusteko. Eskertuta erantzun du Urkulluk: «Bide berri bat irekitzen da»

Igandean egin ziren kontzejuetako hauteskundeak. Irudian, Añuako herritarrak botoa ematen. ©ARABAKO KONTZEJUEN ELKARTEA

Arabako kontzejuen %24k izango dute emakume bat lehendakari

Edurne Begiristain

Kontzejuetako administrazio batzarretako ordezkariak aukeratu dituzte. Finantzaketa, digitalizazioa, emakumeen parte hartzea eta despopulazioa izango dituzte erronka nagusi

Olatz Garamendi Gobernantza Publiko eta Autogobernu sailburua ©Raul Bogajo / FOKU

Garamendik ez du parte hartuko Autonomia Erkidegoetako Presidenteen Konferentzian

Oihane Puertas Ramirez

Adierazi du Espainiako Gobernua hitzartutako «aldebiko akordioak behin eta berriz ukatzen» ari dela, eta Sanchezen Gobernuari eskatu dio bete dezala Eusko Jaurlaritzarekin «hitzartutakoa». Garamendik nabarmendu du ez dutela onartuko «Eusko Jaurlaritza gutxiestea».

Auzitegi Nazionalak Josu Urrutikoetxea epaitzea ebatzi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.