Albistea entzun

ERREZETA

Pikillo piperrak bakailaoz beteak

ANDONI CANELLADA / FOKU Tamaina handiagoan ikusi

Iker Markinez - Kuko jatetxea, Ormaiztegi

2021eko irailak 18

OSAGAIAK
4 LAGUNENTZAT
20 piper gorri.
300 g bakailao gezatu (tako garbia).
Oliba olio birjina.
Gurina.
4 koilarakada irin.
3/4 litro baserriko esne.
Ziazerba sorta bat.
Tipula 1.
Esnegaina.
Gatza.

1
Errezeta hau bi egunetan egingo dugu. Lapiko bat olio txorrotada batekin eta gurin koilarakada batekin berotzen jarri. Tipula ongi xehetua gehitu, eta ordu laurden batez erregosi. Ondoren, lau koilarakada irin gehitu, nahastu, eta pixka bat egosten eduki ondoren, esnea gehitzen joan, poliki-poliki guztia bukatu arte (esnea aurrez beroa badago hobeto). Gatz pittin bat bota, eta ondo nahastu; horrela, bexamel krematsua lortuko dugu.

2
Zartagin bat oliba olio txorrotada batekin berotu, eta bakailao xehetua gehitu, baita ziazerba hostoak ere, txikituta horiek ere. Guztia bost bat minutuz erregosi, su ertainean. Ondoren, bexamela dugun lapikora gehitu, guztia nahastu, eta hozten utzi.

3
Errezetarako ibiliko ditugun pikillo piperrak freskoak eta aurrez etxean erretakoak dira; oraintxe hasten baita denboraldia. Dena den, kontserbakoekin ere goxoa aterako zaizue. Beraz, piperrak hartu, eta banan-banan bakailao bexamelez bete, koilara txiki baten laguntzaz. Labeko erretiluan jarri bata bestearen ondoan, eta oliba olio txorrotada fin bat bota gainetik. Labea 180 gradutan berotzen jarri, eta ondo beroa dagoenean, bertan sartu piperrekin erretilua. Bost edo zazpi minutu inguruz bertan eduki.

4
Bitartean, seguruenik piper batzuk puskatu zaizkigula, beraz, horiek aprobetxatuko ditugu, krematxo bat egiteko. Horretarako, lapiko batean esne-gain basokada bat irakiten ipini, piper puskak gehitu, gatz pittin bat ere bai. Lau bat minutuz mantendu, eta guztia ongi irabiatu; horrela, pikillo krema lortuko dugu.

5
Piperrak labetik atera, plateretan banatu, eta pikillo kremaz ongi busti.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Protesta eginez gero, erbestea, kartzela edo heriotza dira aukerak»

Amaia Ramirez de Okariz Kortabarria

Nikaraguarren giza eskubideen alde buru-belarri ari da lanean Flores, 2018ko apirilean hasi zen «basakeriaren» osteko jazarpenak salatzen. Horri buruz aritzeko hitzaldi bat emango du Gasteizen.
. Borda Berri jatetxeak (Otogoien, Araba) irabazi du aurten Euskal Herriko Pintxo Lehiaketa. Mitxel Suarez sukaldariak egin du <em>Txingurri</em> pintxoa. jaizki fontaneda / foku ©JAIZKI FONTANEDA / @FOKU

Txapela, Arabako patatarentzat

Amaia Ramirez de Okariz Kortabarria

Otogoiengo Borda Berri erretegiko Mitxel Suarez sukaldariak eginiko 'Txingurri' pintxoak lortu du aurten Euskal Herriko Pintxo Txapelketako txapela. Gasteizko Kea jatetxeak eskuratu du bigarren postua, eta Bilboko La Pizarrak hirugarrena. Epaimahaiak adierazi du hautaketa «zaila» izan dela.

 ©JAIZKI FONTANEDA / FOKU

«Amak beti zioen lan eginez gero saria izango nuela, eta arrazoi zuen»

A. Ramirez de Okariz Kortabarria

Borda Berri jatetxeko Suarez sukaldaria izan da aurtengo Euskal Herriko Pintxo Lehiaketako irabazlea. Azaldu du «gogorrak» izan direla egun hauek, baina parte hartzaileen arteko laguntasuna nabarmendu du.
Begoña del Teso zinema kritikaria eta kazetaria. ©ANDONI CANELLADA / FOKU

Del Tesoren, Beriainen eta Fraileren lanak saritu dituzte

Uxue Rey Gorraiz

Begoña del Tesok zinema arloan egindako lana goraipatu dute Euskal Kazetarien Elkarteak eta Kazetarien Euskal Elkargoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.