HITZ ETZANAK

Garapena

Andoni Egaña -

2018ko uztailak 21
Berari gorbatak ez dio arbi-bururik eragiten. Lehengoei, bai. Ikusten ditu batzarretan adineko enpresariak, lodikoteak, gorbatak lepoa estutu eta arbi-buruaren antzeko zerbait geratzen zaienak. Bera beste belaunaldi batekoa da. Trajea ongi geratzen zaio. Behin eta berriz bedeinkatzen du endokrino partikular harengana joan zen eguna. Etxean daukan soinketa-gelan ere ez ditu orduak alferrik ematen. Mintzo da gazteleraz, ingelesez, eta euskara ere, ikastolan ikasi zuen hura, ez zaio erabat kamustu oraindik.

Batzarretan, arbi-buruak ikusten dituelako edo, beti hitz egiten du garapenaz. Eta pertsona jartzeaz proiektu ororen ardatz, esaldi hori esan ezean ez baitzara inor enpresa munduan ere. Orain, hitza hartzen duen bakoitzean «tsunami teknologikoa»-ren garaian sartzear gaudela aipatzen du beti eta entzuleek, arbi-burua dutenek ere bai, buruaz baietz-baietz eginez ematen diote arrazoia.

Nor delakoan bizi da. Iaz, bere enpresa ez da berea, bera ez da goi-karguduna baino, baina beretzat jotzen du ez zen lau mila langilera heltzen. Aurten, berrehun gehiago ditu. Iriologoarekin du hitzordua gaur, eta bazkalordua baliatuko du kontsultara joateko. Zerbait nahi duenak lortzen du. Bere adineko «ni-ni»-ak ez ditu begien bistan ikusi nahi...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna