Albistea entzun

HITZ ETZANAK

Besarkada

Andoni Egaña -

2022ko ekainak 14

Bizitzeko modu asko dago, eta besterena nekez irudikatzen dugu.

Lotura batzuk ez dira inoiz espero izaten. Eta horietako batekin egin dut topo gaur. Makina-erremintaren Biurterokoa hastera doan honetan, Jose Perez Berdudek, Fagor Automationeko buruak, beste hainbat konturen artean, honakoa bota du: «Gure sektorean oso gara elkar besarkatzekoak. Guztiok elkar ezagutzen dugu, eta aireportuetan topo egiten dugu beti». Aireportuak eta besarkadak lotzea ez zait hain nekeza gertatzen, despedida eta harrera leku ere badira eta, aireportuak. Baina aireportuak, besarkadak eta makina-erreminta uztartzea ez zegoen nire iruditeria logikoaren baitan. Akaso, arnasbide ere izango da torloju, kalibre, laser eta ordenagailuen artean ohituriko jendearentzat besarkada estu bat. Eta segur aski, pandemiaren geldialdiak areagotu egingo zuen emateko premia bera ere.

«Lekuak eta ezlekuak. Bartzelonako aireportua, ezlekua, leku-leku bihurtu du borroka independentistak. Eta berehala heldu da errepresioa. Lekuak jabea du», idatzi zuen Joseba Sarrionandiak Gauzak direna balira liburuan. Makinak erosi, saldu, aurkeztu edo konpontzera doazenek aireportuetan topo egin eta elkar besarkatzen dutela jakiteak, lekuago bihurtu dizkit aireportuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...