AEKren lekukoa, Alizia Iribarreni

Mertxe Mugikak utzi egingo dio koordinatzaile nagusia izateari, hamahiru urte eman eta gero. Erriberako arduradunak izango du postu hori
Mertxe Mugikaren —goian— lekua hartuko du Alizia Iribarrenek.
Mertxe Mugikaren —goian— lekua hartuko du Alizia Iribarrenek. FOKU

Garikoitz Goikoetxea -

2019ko uztailak 3
Datorren ikasturtean, AEK-k aldaketak egingo ditu zuzendaritzan. Azken hamahiru urteetan Mertxe Mugika (Elorrio, Bizkaia, 1963) izan da koordinatzaile nagusi, eta kargua utziko du orain. Alizia Iribarrenek (Elizondo, Nafarroa, 1976) ordezkatuko du. Urteetan Erriberako AEK-ko arduraduna gisa aritu da Iribarren; urriaren 1ean hartuko du kargua.

Agur mezuan, Mugikak argazki bat ekarri du gogora: aurreko Korrikan, 2017an, euskalgintzako eta erakundeetako ordezkariek elkarrekin kilometro bat egin zutenekoa. Santiagoko zubia gurutzatu zuten elkarrekin, Lapurdi eta Gipuzkoa arteko muga, irudi gisa. «Euskararen lekukoa esku batetik bestera nola pasatzen zen ikustea, irudi hura, betiko geratuko zait iltzatuta buruan».

Mugikak nabarmendu du «egoera interesgarria» zabaltzen ari dela euskalgintzan. Horren adibidetzat jo ditu euskaltegietan ikasle gehiago izatea eta Euskaraldiarekin sortu den mugimendua. Uste du erakundeek «indartu» egin dituztela euskararen aldeko politikak, «herri gogoa dagoelako». Korrika bera jarri du adibide.

Datozen urteetarako zer egina franko dago, ordea, Mugikaren esanetan. Hiru erpin aipatu ditu. Batetik, politika aurrerazaleak: «Hizkuntza politikak, maiz, nahi baino motelago ikusten ditut». Bestetik, euskalduntzea: baliabide gehiago eskatu ditu, eta administrazioa eta lan eremua euskalduntzea: «Hor berandu baino lehen azkartu behar da lana». Eta hirugarrenik, eskubideak: «Hizkuntza eskubideen bermeari dagokionez, oraindik ere ageriko gabeziak ikusten ditut». Erronka horiei aurre egiteko, elkarlana jo du giltzarritzat: «Elkarlanean eragin behar da sistema osoan».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna