HITZ ETZANAK

Bi ordu

Andoni Egaña -

2019ko urriak 13

Zer ibili ote du buruan ia bi orduan? Zein hizkuntzatan hitz egin dio bere buruari animatzeko, kontrolatzeko, pattalaldietatik ihes egiteko, errieta egiteko tarteka...? Zein paisaia zetozkion gogora bere burua ibilbide betiberdin gogaikarritik egurastu nahi zuenean? Bere hiru umeak zituen gogoan? Emaztea? Bere herria? Zenbat pentsatu du lagunetan eta zenbat babesleetan?

Bi urte luzean, esnatu eta lehen lana zutabe hau idaztea izan dut. Gaur banituen lehenagokoak. Goizeko zortziak eta laurdenetik ia-ia bi orduan telebistari begira egon naiz. Ikusi egin nahi nuen nire begiz. Eta ikusi dut. Ez da entretenigarria izan, baina bai zirraragarria. Eliud Kipchogeren berrogeita bi kilometro pasatxoei begira, Samuel Eto'o futbolariaren esaldia zetorkidan gogora: «Beltzek bezala egingo dut korrika zuriak bezala bizi ahal izateko».

Urteak dira, asko, hogeitik gora, lagun kuadrillan gaia maiz samar ateratzen genuela: «Ezagutuko al dugu guk pertsona maratoia bi ordutik behera burutzen?». Erritmoak, ibilbideak, oinetakoak, elikadura... izaten ziren eztabaidan aipagai. Xehetasun horietan katigatuak, ez ginen konturatzen erantzuna askoz ere gordinagoa eta xinpleagoa zela, humanoagoa derrigor. Ezagutu? Batzuek bai eta besteek ez. Hori da bizitza.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna