Albistea entzun

ERREZETA

Fideua ganboi, shiitake eta ziazerbekin

JON URBE / FOKU Tamaina handiagoan ikusi

Iker Markinez -

2021eko martxoak 6 - Kuko jatetxea, Ormaiztegi

OSAGAIAK 4 LAGUNENTZAT

400 g fideo lodi.
Tipulin 1.
2 baratxuri ale.
Ziazerba sorta bat.
8 shiitake pieza.
Dozena bat ganboi.
Gatza.
Oliba olio birjina.

1. Lehenik baratxuriak eta tipula zuritu, eta juliana moduan moztu. Zartagin zabal batera (ondoren fideua egiteko erabiliko dugun bera) oliba olio zurrusta bat gehitu, eta bertara barazkiak eta gatz pittin bat gehitu; erregosi hamar bat minutuz. Ondoren, shiitakeak ere juliana moduan moztu, eta bertara gehitu. Su ertainean beste bost bat minutu mantendu.

2. Bitartean, otarrainxkak zuritu. Buru eta azalak beste lapiko batean erregosi, olio zurrusta batekin. Pare bat minutu pasa ondoren, urez estali, eta hamar bat minutuz egosi. Ondoren, salda hori gorde.

3. Barazkiak dauden zartaginera ziazerba hostoak gehitu, nahastu, eta jarraian ganboi azalen egosketa saldatik lau bat kazokada gehitu. Irakiten hastean, fideo lodiak gehitu, gatz pittin bat ere bai. Kontuan eduki fideoak ganboien saldarekin estaliak egon behar direla. Horrela ez bada, salda gehiago gehitu. Irakiten hasi eta pare bat minutura, ganboi zurituak saldara gehitu. Sua bizitu eta bost bat minutu pasatu ondoren, eta ur guztia xurgatzen duenean, sua itzali.

4. Zerbitzatu aurretik, hiru edo lau bat minutuz mantendu zartaginean, ukitu gabe, pausan, horrela hezetasun guztia ongi xurgatu dadin, eta fideoek lehor itxura har dezaten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina, noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.