Albistea entzun

ERREZETA

Aza gorria mozzarella freskoarekin papilota erara

IKER MARKINEZ Tamaina handiagoan ikusi

Iker Markinez -

2021eko otsailak 6 - Kuko Jatetxea, Ormaiztegi

OSAGAIAK 4 LAGUNENTZAT

Aza gorri 1.
12 Cherry tomate.
Tipula 1.
2 baratxuri ale.
Mozzarella gazta freskoa.
4 arrautza.
Gatza.
Oliba olioa.
Oreganoa.
Piper hauts beltza.

1. Lehen pausoan, labea berotzen jarriko dugu, 200 graduan.

2. Berotzen den bitartean, laberako erretiluan laberako paper berezia jarri. Tipula, baratxuriak eta aza gorria juliana moduan moztu. Horiek paperaren gainean ipini, eta zabaldu. Gainetik Cherry tomateak osorik zabaldu. Gatz pittin bat bota, eta oliba olio txorrotada fin bat ere bai.

3. Ondoren, papilota osatzeko, beste paper orri batez gainetik ongi estali, eta bi paperen ertz guztiak ongi lotu, baporeak ihesi egin ez dezan. Hori dugu papilota teknikaren sekretua. Erretilua labera sartu, eta 25 minutuz bertan eduki, 200 graduan.

4. Ondoren, atera (baina labea ez itzali), eta, kontu handiz, goiko paper estalkia kendu. Ondoren, mo- zzarella freskoa xaflatan moztu, eta argazkian ikusten den bezala aza gorriaren gainean jarri. Jarraian, oreganoa gehitu gaztaren gainean, eta piper hauts beltza osagai guztien gainean.

5. Pertsonako arrautza bat erretiluan bertan ireki, eta oraingoan estali gabe, labean sartu berriro, bost bat minutuz, gazta bigundu eta arrautzak egin daitezen. Atera, eta zerbitzatzeko prest dugu neguko jaki osasuntsu eta goxoa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
<em>Irabazi arte</em> telesaileko bigarren denboraldiko aktore gazteak. ©EITB

'Irabazi arte'-ren bigarren denboraldia, ostiraletan ETBn

Urtzi Urkizu

Dorleta Urretabizkaia, Nahia Lacalle eta Joan Bailador dira aktore berriak. Zetak, Bengo eta Bulego taldeen kantak entzungo dira

1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.