Albistea entzun

Akordioa hezkuntzan

Sindikatuek goraipatu egin dute itunak egonkortasuna sustatzea eta ratioak jaistea

Steilasek «modu kritikoan» sinatu du, «politika pribatizatzaileak lausotzen» dituelakoan. LABek «oso ondo» baloratu du akordioa
Sindikatuen protesta bat, martxoan.
Sindikatuen protesta bat, martxoan. RAUL BOGAJO / FOKU Tamaina handiagoan ikusi

Irati Urdalleta Lete -

2022ko maiatzak 27

Sindikatuek bi norabidetan ikusten dizkiote abantailak Steilasek, LABek, CCOOk eta UGTk Eusko Jaurlaritzako Hezkuntza Sailarekin atzo izenpetutako akordioari. Batetik, irakasleen lan baldintzak hobetuko dituztelakoan daude, eta, bestetik, ratioak jaistea positiboa iruditzen zaie. Steilasek eta LABek akordioaren urratsak nabarmendu dituzte, baina bakoitzak bere ñabardurak ere baditu.

Hezkuntza publikoan nagusi den Steilas sindikatuak «sinadura kritikoa» egin duela nabarmendu du bertako kide Nagore Iturriozek. Aurrerabideak nabari ditu hezkuntza publikorako: «Akordioan gaude hobekuntzak izan badituelako euskal eskola publikorako, eta ikastetxeetan onura horiek bermatzea gure ardura delako nolabait». Sindikatuak «luze» borrokatutakoak dokumentuan isla duela dio, besteak beste ratioak jaistea hitzeman dutelako, baita «lanpostu asko» egiturazko bihurtuko dituztelako ere: «Nolabait, lanpostu asko blindatu egiten dira».

Dena den, dena ez da positiboa, Iturriozen irudiko. Akordioak atzean duena bistara atera du: «Erabaki hau hartzen dugu oso modu kritikoan, ze nolabait bada erabaki bat Hezkuntza Sailaren hezkuntza politika pribatizatzailea lausotzeko». Datorrenaz ohartarazi du, hezkuntza legeari eta eskola planifikazio dekretuaren zirriborroari erreferentzia eginez: «Ikus dezakegun bezala, ikastetxe publikoetan galera handia etorriko zaigu, eta horrek lanpostuen galera ere ekarriko du».

Positiboago mintzo da LABeko hezkuntza arduradun Irati Tobar: «Sindikatuak oso ondo baloratzen du gaurko [atzoko] akordioa». Egonkortasuna nabarmendu du: «Ikastetxeek funtzionatzeko aitortuta ez dauden lanpostu asko egiturazko bihurtzen dira. Guretzat hori oso garrantzitsua da. Lanpostuak mantendu eta sortu egiten dira». Bat aipatu du guztien gainetik: «LABen aldarrikapen nagusia izan den figura bat onartua izan da, eta guretzat hori ere oso garrantzitsua da: eraldaketa pedagogikorako, berrikuntza pedagogikorako irakasleak egongo dira ikastetxe guztietan, etapa guztietan». Horrekin batera, gainera, ratioak jaitsita, lan zamak arinduko direla begitantzen zaio. Laburbilduz: «Argi dago lan baldintzak hobetzen dituzten akordioek eta ikasleen irakaskuntzan ere kalitatea hobetzen dutenek sistema hobetzen dutela».

ELArentzat, «zuriketa»

ELAk akordioarekin bat ez egitea erabaki du, eta hainbat argudioren bidez arrazoitu du erabakia. Hauxe nagusia: «Akordioak helburu nagusi bat du: Hezkuntza Sailak 13.000 behin-behineko irakasleren lanpostuak kontsolidatzeko asmorik eza ezkutatzea eta fokua gai horretatik desbideratzea». Gainera, «harriduraz» hartu du gainerako sindikatuek «zuriketa ariketa horretan» parte hartu izana.

Arrazoi xeheagoetara jota, sindikatuaren irudiko, dokumentuak ez du zehazten akordioaren edukiek benetan zein eragin izango duten eskoletan. Ratioei ere erreparatu diete: nabarmendu dute HH Haur Hezkuntzako lehen zikloan eta Derrigorrezko Bigarren Hezkuntzan bere horretan eutsiko dietela ratioei, eta gainerako mailetan jaitsiera «oso txikiak» direla. Hori ikusita, sindikatuak esan du behin-behineko 13.000 irakasleak egonkortzearen alde egiten jarraituko duela, eta datorren astelehenerako mobilizazioetara deituko dute, Donostiako eta Bilboko hezkuntza ordezkaritzen atarian, 17:30ean hasita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Julen Portillo, eskuinean, Joseba Argiñano sukaldaria ondoan duela, ETB1eko Sukalerria saioan. ©Julen Portillo

Euskara, sormenerako harribitxia eta aukera

June Romatet Ibarguren - Gipuzkoako Hitza

Sortzaile gazteak dira Julen Portillo zarauztarra, Andrea Gonzalez bergararra eta Maddi Etxeberria andoaindarra. Internet bihurtu dute euren gotorleku, eta han biluzten dute barrua, eguneroko kontuak bideo labur bihurtuta. Hasieratik argi eduki zuten hirurek: euskaraz sortuko zituzten edukiak. Bidea egiten ari dira.

Alberto Corral eta Iñigo Brull. ©Oskar Matxin Edesa / FOKU

«Azpikontratazio modua aldatu nahi dugu: salerosketa da hau»

Mikel Garcia Martikorena - Bizkaiko Hitza

Ekainetik protestan dabiltza Apnabi Bizkaiko autisten familien elkarteko langileek dituzten baldintzengatik. Aldundiarekin itundutako "salerosketa" eredua bukatzeko eskatzen dute, Alberto Corral eta Iñigo Brull langile batzordeko kideek diotenez.

 

Elantxobeko portua, artxiboko irudi batean. ©Marisol Ramirez / Foku

Urpekari bat hilda atera dute uretatik Elantxoben

Berria

10:00ak aldera atera dute gorpua, herritar batek abisua eman ostean. Ikerketa zabaldu du Ertzaintzak.

Suhiltzaile bat lanean, artxiboko irudi batean. ©Juan Carlos Ruiz / Foku

95 urteko gizon bat hil da Bilbon, bere etxeak su hartu eta gero

Berria

02:00ak aldera gertatu da ezbeharra. Gizona bizirik atera dute suhiltzaileek, baina ospitalean hil da.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...