Albistea entzun

«Desadostasunak» ezin gainditu segitzen du eskumenen mahaiak

Jon O. Urain -

2019ko apirilak 12

Atzo ere ez. 1979ko estatutuaren arabera Eusko Jaurlaritzari dagozkion baina oraindik Espainiako Gobernuaren kudeaketaren pean dauden eskumenak transferitzearen xehetasun teknikoak aztertzen dituen mahaiak ez zuen adostasunik lortu atzo, eta, beraz, are gehiago atzeratu da alor tekniko horri oniritzi politikoa eman behar dion Transferentzien Batzorde Mistoaren bilera. Jaurlaritzako iturrien arabera, ia lortu dute akordioa, baina oraindik zehaztasun ekonomikoak dituzte fintzeko. Asteazkenetik, desadostasun horiek gainditzeko lanetan ari dira Jaurlaritzako eta Madrilgo ordezkariak, baina, lan horiek ez zuten emaitzarik izan. Kontzertu Ekonomikoarekin dute lotura desadostasunek, baina Jaurlaritzak bide horrekin segitu nahi du: «Eraginkorra eta justua da bi aldeentzat. Eredu hori alboratzeak eskumen guztien oinarria auzitan jar dezake», zioten Jaurlaritzako iturriek.

Negoziazioak zein puntutan dauden galdetu zioten atzo Iñigo Urkullu Jaurlaritzako lehendakariari, Eusko Legebiltzarreko osoko bilkurara iristean. Aitortu zuen «desadostasunak» dituztela, baina espero zuela atzoko egunean ados jartzea eta Batzorde Mistora deitu ahal izatea. Urkulluk berak aitortu zuen joan den astetik gaiaz mezuak trukatzen ari dela Pedro Sanchez Espainiako gobernuburuarekin.

Bizkaiko eta Arabako AP-68aren kudeaketa, produktu farmazeutikoen legeen aplikazioa, ohiko erretiroaren aurretiko laguntzak enplegu erregulazio espedienteengatik kaltetutakoentzat eta eskola asegurua dira mahai gainean dauden eskumenak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla
Rodolfo Ares Eusko Legebiltzarrean, 2012ko irudi batean. ©David Aguilar, EFE

Aresek esanak, eta harrotutako hautsak

Uxue Rey Gorraiz

PSE-EEko buruzagi izandakoak perla ugari bota du urteetan, eta horiek sarri ekarri du aurkari politikoen sumina, ezker abertzalearena batez ere. Iñigo Cabacas auzian esanak dira aipagarrienetako batzuk.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...