Albistea entzun

«Pausoak» egon arren, akordiorik ez transferentzien mahai teknikoan

Jaurlaritza eta Espainiako Gobernua gaur dira Batzorde Mistoa egitekoak, baina bi aldeek ez dute xehetasun teknikoetan ados jartzea lortu

Jon O. Urain -

2019ko apirilak 11

Espainiako Gorteetarako hauteskundeak egin aurretik, 1979ko estatutuaren arabera Jaurlaritzari dagozkion baina oraindik Espainiako Gobernuaren esku dauden eskumen gehienak eskualdatzeko negoziazioetan ari dira bi gobernuak. Atzo, bi delegazioetako ordezkariek lau eskumenen transferentzia lantzeko bilera teknikoa egin zuten, baina akordiorik gabe amaitu zen batzar hori, Jaurlaritzako iturriek jakinarazi zutenez. «Negoziazioan aurrerapausoak» antzeman zituzten, hala ere. AP-68 autobideko Bizkaiko eta Arabako zatiaren kudeaketa, produktu farmazeutikoen legeen aplikazioa, ohiko erretiroaren aurretiko laguntzak enplegu erregulazio espedienteengatik kaltetutakoentzat eta eskola asegurua dira mahai gainean dauden eskumenak.

Bideokonferentzia bidez egin zuten batzarra, hiru ordukoa, eta hamar lagunek hartu zuten parte Jaurlaritzaren izenean; Gobernantza Publiko eta Autogobernu, Garapen Ekonomiko, Ogasun eta Ekonomia, Osasun eta Lan eta Justizia sailetako zuzendari eta kontseilariordeek. Josu Erkoreka Jaurlaritzako bozeramaileak, esaterako, bertan behera utzi zuen arratsaldeko agenda, negoziazioetan parte hartzeko, eta Iñigo Urkullu Jaurlaritzako lehendakariak hots egin zion Pedro Sanchez Espainiako gobernuburuari, akordioa azkartzeko asmoz. Jaurlaritzako iturriek zehaztu zutenez, atzo arratsalde-iluntzean lanean jarraitzekoak ziren bi aldeak, gaur bertan egin ahal izateko eskumenei buruzko Batzorde Mistoa. Edizio hau ixterako, ordea, ez zen bi gobernuen arteko adostasunik egon. Transferentzien Batzorde Mistoan ematen diote oniritzia mahai teknikoan adostutakoari, eta bi aldeen asmoa zen batzar hori hauteskunde kanpaina hasi aurretik egitea. Gaur gauerdian hasiko da kanpaina.

Betetzeko «konpromisoa»

Edozein gisara, Pedro Sanchezen gobernua autogobernuaren alorrean egiten ari den lana goraipatu du Idoia Mendia PSE-EEko idazkari nagusiak. Esan duenez, Sanchezek eskumenen eskualdaketarako egutegia beteko du, «ahal badu». Egutegi horrek 2020ko urtarrilera arteko epea jasotzen zuen 33 eskumen Jaurlaritzaren esku uzteko. ETB1en eginiko elkarrizketa batean, Mendiak azaldu du «konpromiso bat» dagoela Sanchez berriro presidente izanez gero «egutegi hori betetzeko eta lanean jarraitzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...