Albistea entzun

ERREZETA

Azalore egosia kurriarekin eta bexamel goxoarekin

JON URBE / FOKU Tamaina handiagoan ikusi

Iker Markinez - Kuko Jatetxea, Ormaiztegi

2020ko abenduak 12

OSAGAIAK 4 LAGUNENTZAT

Azalore eder 1.
Tipula gozo 1.
Litro 1 esne.
110 g irin.
100 g gurin.
Gatza.
Piper hauts beltza.
Kurria.

1. Bexamel goxoa egiten hasiko gara lehenik; horretarako: gurina lapiko batean jarri, eta tipula gehituko diogu, xehe-xehe moztuta. Hamabost bat minutuz su motelean erregosi.

2. Orduan, irina nahastu, eta, etengabe irabiatuz, esne beroa pixkanaka-pixkanaka gehituz joan. Gatz pixka bat bota, piper hauts beltza ere bai, eta bost minutuz irakin, nahasteari utzi gabe.

3. Bitartean, azalorea egosiko dugu. Urez beteriko lapikoa sutan jarri gatz pitin batekin, eta irakiten hastean, azalorea pusketa txikietan gehitu. Hamabost edo hogei bat minutuz irakin, gutxi gorabehera. Gaurko errezetarako ez dugu asko egosterik nahi.

4. Gero, ura ongi kendu, eta erretilu baten erdira atera azalore puskak.

5. Ondoren, egin dugun bexamel goxoarekin ongi estali azalore puskak. Eta, azkenik, kurri hautsa eskuarekin ongi zabaldu erretilu guztian. Horrek usain eta zapore ukitu berezia emango dio platerari. Animatu negu garaiko gure barazki preziatu hori dastatzera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Andoni Aldekoa EITBko zuzendari nagusia, atzo, Bilbon, EITB 2030 estrategia plana azaltzen. ©ARITZ LOIOLA / FOKU

Euskara eta kultura xede

Urtzi Urkizu

Andoni Aldekoa EITBko zuzendari nagusiak etorkizuneko ildoen berri eman du. «Euskarri digital berrien aurrean, euskarazko edukiak bermatu behar ditugu», esan du, Bilbon.

 ©THE NORTH WATER

Itsasgizonen handinahia eta kalamitatea

Mikel Yarza Artola

Andrew Haigh zuzendari britainiarrak 'The North Water' telesaila plazaratu du, Artikoa esploratu zuten balea ehiztarien inguruko istorioa

<em>Petite maman</em> filmeko bi haur protagonistak. ©BERRIA

Haurtzaroaren denboratasuna

Gorka Erostarbe Leunda

Celine Sciammak bi neskatoren arteko harremana du ardatz 'Petite maman' bosgarren filmean. Amets giroa, iraupen laburra eta soiltasuna erabili ditu hari narratiboa ehuntzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.