Albistea entzun

ERREZETA

Muskuilu goxatuak

GORKA RUBIO / ARGAZKI PRESS

Iker Markinez - Kuko jatetxea, Ormaiztegi

2015eko urriak 24

Gaur erabiliko ditudan muskuiluak Bretainiakoak dira. Horien berezitasuna da oso txikiak direla, baina erabat mamiz beteak egoten dira, eta zapore fina dute.

1

Lehenik, tipulina xehe-xehe moztu, eta oliba olio pixka batekin, zartagin batean 15 minutuz erregosi.

2

Ondoren, baratxuria xaflatan moztuta gehitu, baita pipermina ere, pusketatan moztuta. Gatz pitin bat gehitu. Bi minutuz gehiago erregosi, eta gerorako gorde.

3

Lapiko handi batean, txakolin zurrusta bat bota eta irakiten ipini. Bitartean, muskuiluak garbitu. Jarraian muskuiluak txakolina dugun lapikora bota, eta tapa bat jarri. Bi minutuz mantendu, nahikoa izango da guztiak ireki daitezen.

4

Jarraian, muskuiluak bertatik atera. Lapikoan salda gelditu dela ikusiko duzue. Sua indar bizian jarri, eta esne gain zurrusta bat gehituko diogu, baita aurrez erregosi ditugun tipulin eta baratxuriak ere.

5

Saltsa loditzen den bitartean, muskuiluak txukun jarri plater edo erretilu batean, argazkian ikusten den bezala. Hau da, haragia duten aldeko maskorra mantenduz bakarrik. Saltsak gorputza hartzen duenean, perrexil xehatua gehitu, eta saltsaz muskuilu guztiak ongi busti.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARISOL RAMIREZ / FOKU

«Zorroztasuna funtsezkoa da kazetaritzan»

Urtzi Urkizu

Arabako, Bizkaiko eta Gipuzkoako kazetarien elkargoko dekano eta Euskal Kazetarien Elkarteko presidente izendatu dute Goikoetxea. Dioenez, kazetariek baldintza onak behar dituzte.
 ©GORKA RUBIO / @FOKU

«Galtzen ari den lan bat azaleratu nahi dut»

Enekoitz Telleria Sarriegi

Ontzi bat da, esamolde bat da, eta arrantzalearen azalean jarri nahi bat da 'Axalian'. Izen hori jarri dio Ortolaizek Zarauzko Photomuseumen paratu duen erakusketari: «Mundu eder bat da itsasoa».
Jon Mirande, eskuinean, Bretainiar Elkartearen Saria ekitaldian, 1969. ©Z / EZEZAGUNA

De viris illustribus: Jon Mirande bretainiarra

Miel A. Elustondo

Euskaraz baino lehen ikasi zuen bretoieraz Jon Mirandek Parisen. Euskaldunak lagun egin baino lehen, bretainiarrak egin zituen adiskide. «Gazte haien karra! Askok ez zekiten haurretatik beren herriaren hizkuntza, baina ikasi zuten eta bretoieraz ari dira beti. Guk, aldiz...», idatzi zuen. Goulven Pennaod bretainiarrarena dugu jakilegoa, Txomin Peillenek 1976an bildua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.