2 errezil sagar
2 udare
Litro erdi esne
6 arrautza
200 gr azukre
50 gr irin
Banilla makilatxo bat
Gurina
Tartaren oinarria egiteko orea
1
Lehenik, krema prestatzeko, esnea berotzen jarri lapiko batean, banilla makilatxoarekinbatera. Bitartean, berriz, arrautzen gorringoak beste ontzi batean jarri.
2
Azukrea ontzira nahastu, eta etengabe irabiatu bost minutuz. Ondoren, irina gehitu, eta kontu handiz nahastu.
3
Berotutako esnearen erdia ontzira bota, eta ondo nahastu. Lapikoan gelditu zaigun esnea irakin artean berotu: banilla makilatxoa kendu, eta ontzian duguna lapikora irauli. Bost minutuz irakiten eduki etengabe nahastuz.
4
Errezil sagarrak eta udareak zuritu, erditik moztu, bihotza kendu eta puska txikietan moztu.
5
Zartagin batean gurin koilarakada bat ipini, eta, urtzen hastean, fruta pusketak gehitu:3 edo 4 minutuz erregosi. Ondoren, aurrez prestaturik dugun krema gehitu, nahastu, sua itzali, eta gorde.
6
Orea labeko erretilu batean zabaldu. Labea 160 gradutan berotu, sartu orea, eta 15 bat minutuz egosi. Sardexka batekin orea leku desberdinetan zulatu labean sartu aurretik, harrotu ez dadin.
7
Labetik atera, eta orearen gainean sagar eta udare krema zabaldu, eta berriz ere labean sartu: 180 gradutara igoko dugu labearen tenperatura,eta 20 bat minutuz mantendu. Azkenik, epeltzen utzi.
8
Lagungarri bezala, izozki goxo batekin zerbitza dezakegu.