Europako Batasuna

Sassoli sozialdemokrata aukeratu dute Europako Parlamentuko presidente

Italiako Alderdi Demokratikoko kidea da. Gehiengo osoz aukeratu dute, bigarren bozketan.

David Maria Sassoli Europako Parlamentuko presidente berria, gaur, parlamentuko saioan.
David Maria Sassoli Europako Parlamentuko presidente berria, gaur, parlamentuko saioan. PATRICK SEEGER/EFE

Gorka Berasategi Otamendi -

2019ko uztailak 3

Antonio Tajani ordezkatuko du beste politikari italiar batek Europako Parlamentuko presidentetzan. David Maria Sassoli sozialdemokrata izango da presidente berria. Sassolik 63 urte ditu, Florentzian jaiotakoa da, eta kazetaria da ofizioz. Gehiengo osoz aukeratu dute. 345 boto jaso ditu alde, balekoak izan diren 667 botoetatik.

Europako Parlamentuko jarduna ez zaio arrotza Sassoliri. Hirugarren legealdia du europarlamentari gisa, eta ganberako presidenteorde izan zen azken agintaldian. Oraingoan, bi urte eta erdirako hartuko du kargua, hura berritzeko aukerarekin. Oso litekeena da, ordea, legealdiaren bigarren erdian Europako Alderdi Popularreko Manfred Weberrek hartzea parlamentuko presidentetza.

Parlamentuko presidentetzarako hautagaitza aurkeztu dute Jan Zahradil kontserbadore eta erreformisten taldekoak —160 boto eskuratu ditu—, Ska Keller berdeen taldekoak —119 boto—, eta GUE/NGLko Sira Regok —43 boto—.

Sassolik, Europako Alderdi Sozialistaren babesaz gain, liberalena eta kontserbadoreena ere jaso du. Bi indar horiek uko egin diote hautagaia aurkezteari, EB Europako Batasuneko beste erakunde batzuetan karguak eskuratzearen truke. Estatu kideek atzo itxi zuten batasuneko agintari karguak banatzeko akordioa.

Lehenengoz, emakume bat proposatu dute Europako Batzordearen presidente gisa: Ursula von der Leyen Alemaniako Defentsa ministroa. Beste emakume bat aukeratu dute EBZ Europako Banku Zentralerako hautagai. Christine Lagarde Nazioarteko Diru Funtsaren presidentea. Kargua utzi du behin-behinean, EBZko presidente ardura hartzeko. Alemaniak eta Frantziak proposatu dituzte agintari postu garrantzitsuenetarako hautagaiak. Ez dira bakarrak izan, ordea. Espainiak Josep Borrel Atzerri ministroa kokatu du EBko diplomaziaburu. Kanpo Politikarako eta Segurtasun Komunerako goi ordezkaria izango da.

Italiak, berriz, eragin ahalmena galdu du EBko erakundeen gidaritzan. EBZko presidente Madrio Draghi Lagarde frantziarrak ordezkatuko du, eta batasuneko diplomaziaren buruan Borrel espainiarrak hartuko du Federica Mogheriniren lekua. Kargu horien aldean, garrantzia gutxiagokoa da Europako Parlamentuko presidentetzarena. Gainera, Italiako gobernua sostengatzen duten Lega Nordentzat eta 5 Izar Mugimenduarentzat Sassoliren izendapena ez da pozerako arrazoia. Sassoli Matteo Renziren Alderdi Demokratikoko kidea da, eta oso kritiko agertu izan da Matteo Salvini Italiako Barne ministroaren migrazio politikarekin.

Kataluniako auziari dagokionez, Sassoli "guztiz" bat dator Espainiako Gobernuaren jarrerarekin, Iratxe Garcia sozialista europarren taldeko presidenteak adierazi duenez.

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna