autogobernua

Nafarroako Polizia Legearen aurkako helegitea tramiterako onartu du Auzitegi Konstituzionalak

Epaileek aztertuko dute Nafarroako arauak Espainiako Konstituzioaren 149.1.18 eta 149.1.29 artikuluak urratu dituen.

Foruzainak saritzeko ekitaldi bat, 2016ko otsailean.
Foruzainak saritzeko ekitaldi bat, 2016ko otsailean. / Nafarroako Gobernua

Jon O. Urain -

2019ko irailak 23

Espainiako Auzitegi Konstituzionalak tramiterako onartu du Espainiako Gobernuak Nafarroako Polizien Legearen aurka ezarritako helegitea, eta, beraz, behin-behinean bertan behera utzi du araua. Zehazki, foru arauaren 1, 11.7, 23.3, 24 eta 27.1 artikuluen kontra egin zuen Pedro Sanchezen gobernuak abuztuan, Espainiako Konstituzioko 149.1.18 eta 149.1.29 artikuluaren aurkakoak direla iritzita.

Espainiako Gobernuak uste du Nafarroako Gobernuak "polizia laguntzaileak" behin-behinean kontratatzeko erabakiak herritarren oinarrizko eskubideei kalte egin diezaiekeela.

Joan den ekainean, Espainiako Auzitegi Gorenak ebatzi zuen udaltzainak ezin direla behin-behineko langile izan, "segurtasun indar izaera" dutela argudiatuta. Polizien Legeak, baina, polizia laguntzaileen figura aurreikusten du, eta haren bitartez behin-behineko kontratazioak egiteko aukerari eutsiko liokete Nafarroako udalek.

Epaileek, auzia aztertu bitartean, bertan behera utzi dute araua, eta agindu dute dokumentazio guztia Espainiako Kongresuaren eta Senatuaren nahiz Nafarroako Parlamentuaren eta Gobernuaren esku uzteko, nahi izanez gero auzian parte har dezaten eta alegazioak aurkez ditzaten.

Abuztuan, Sanchezen gobernuak helegitea aurkeztean, Javier Remirez Nafarroako Gobernuko Lehendakaritza, Berdintasun, Funtzio Publiko eta Barne kontseilariak azaldu zuen Nafarroako Gobernua Madrilekin "elkarrizketarako bidea" lantzen saiatuko zela, "eskumenen eta autogobernuaren defentsa" egiteko.

Nafarroako Parlamentuak iazko azaroan onartu zuen legea, lehen saioan, 2017ko urrian, porrot egin eta gero.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna