euskal estatua

Euskal errepublikaren aldeko ekitaldiak egingo dituzte larunbatean

Hamabost udalerri eta auzotan izango dira etzi; aurrerantzean, gehiagotan. Ehun mugimenduak sustatu ditu.

Donostiako Egia auzokoak, euskal errepublikaren aldeko pankartak-eta egiten.
Donostiako Egia auzokoak, euskal errepublikaren aldeko pankartak-eta egiten. Tamaina handiagoan ikusi

Enekoitz Esnaola -

2020ko otsailak 13

Euskal errepublikaren aldeko aurreneko ekitaldi sorta egingo dute etzi —hilak 15—, Ehun mugimenduak sustatuta. Azkenean, hamabost udalerri eta auzotan izango dira ekitaldiak, baina Ehunek dio aurrerago gehiago izango direla. Ez dira «obsesionatu» orain kantitatearekin; euskal errepublikaren aldeko kontzientziazio lana egiteari eman diote garrantzia. Joan den azaroan aurkeztu zuten Ehun, eta, haren arabera, «esperientzia aberasgarria» izaten ari da. 

Etziko ekitaldiak Bizkaian Mungian eta Galdakaon izango dira, Nafarroan Beran, Nafarroa Beherean Donibane Garazin, Lapurdin Larresoron, eta Gipuzkoan Zumaian, Hernanin, Pasaian, Oñatin, Aizarnazabalen eta Donostiako auzo batzuetan (Igeldon, Amara Zaharren, Amara Berrin, Egian eta Antiguan).

Azkeneko asteetan ere egin dituzte udalerri eta auzo horietako batzuetan hitzaldiak eta beste.

Larunbateko ekitaldiak (otsailak 15)

Mungia (Bizkaia) 
- 11:00: ibilbide historikoa Haizetara elkartearekin.
- 11:00: umeentzako jolasak.
 -13:00: kalejira aldarrikatzailea.
- 13:30: ekitaldia.
- 15:00: herri bazkaria.
- 17:00: bertso poteoa Xabat Galletabeitia, Jone Larrinaga eta Ibon Larrazabalekin.
- 19:00: kontzertua: Astopotroak eta Lukiek.

Galdakao (Bizkaia) 
- 13:30: ekitaldia.

Bera (Nafarroa)
- Propaganda banaketa eta murala. 

Donibane Garazi
- 10:45: eztabaida gaztetxean: Nolako euskal errepublika nahi dugu? Zergatik eta zertarako nahi dugu? Nola eraiki nahi dugu?
- Bazkaria.

Larresoro (Lapurdi) 
- 13:30: Iparra Hegoa Egunaren barruan, euskal errepublikaren aldeko kalejira.

Zumaia (Gipuzkoa) 
- Ehun-en aurkezpena.
- Alor ugaritako pertsonekin solasaldiak euskal errepublika ardatz.
- Desobedientzia zibilaren inguruko solasaldia intsumiso izan zirenekin.

Hernani (Gipuzkoa) 
- Mural erraldoia: Memoria Euskal Errepublikan: egia, aitortza, erreparazioa.

Pasaia (Gipuzkoa) 
- Kartel jartze erraldoia.

Oñati (Gipuzkoa) 
- Hainbat arlotan burujabetza lantzen ari diren elkarteren azoka.

Aizarnazabal (Gipuzkoa) 
- Euskal errepublikaren aldeko elkarretaratzea.

Donostia-Igeldo
- Herriko nekazaritzaren alde eta turismo eredua salatuz elkarretaratzea. 

Donostia-Amara Zaharra 
- Elkarretaratzea eta propaganda banaketa, euskal errepublika feminista aldarrikatzeko.

Donostia-Amara Berri
- Propaganda banaketa.

Donostia-Egia 
- 12:00: mahai ingurua, elikadura burujabetza eta kontsumo jasangarria gaitzat hartuta.
- 13:00: bertako produktuen dastaketa.
- Ariketa parte-hartzailea, iritzi panelen bidez.

Donostia-Antigua
- 12:00: Kantu elkarretaratzea, hango babes ofizialetako bizilagunekin batera. Bereziki prestatutako abestiak kantatuko dituzte.
- 20:00: kontzertua Dokan: Nork zer?!, Stronger Together eta Invisible War taldeak.

Bestalde, Beran (Nafarroa) talde batek Ehun mugimenduarentzat propaganda bideoak egin ditu azkeneko astean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

499 positibo atzeman dituzte Hego Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna