Aisialdi hezitzaile eta euskaltzalea bultzatzea du xede Hezten-ek; zenbait dinamika eta proiektu martxan jarriak ditu horretarako, eta BERRIA ere alea jartzen saiatzen da arlo horretan, besteak beste Mantangorri gehigarria baliatuta.
Bi erakundeak transmisioarekin eta hezkuntzarekin kezkatuta eta konprometituta daudenez gero, indarrak batzea erabaki dute, eta Hezten-ek bat egingo du BERRIAk abiarazi berri duen Eskutik eskura BERRIA kanpainarekin. Izan ere, aurrerantzean ere euskal kazetaritza independente eta kalitatezkoa egiteko, beste 3.000 BERRIAlagun behar ditu BERRIAk urtea amaitzerako, eta erronka horretan behar-beharrezkoa du zenbait eragile bidelagun izatea.
