Eraikuntza sektoreko langile bat zendu zen Oiartzunen (Gipuzkoa) astelehenean, istripu ez-traumatiko batean. LAB sindikatuak salatu du ezbeharra sare sozialetan, eta elkarretaratzea deitu bihar 18:30erako, Oiartzungo plazan.
Azken egunotan zortzi langile hil dira lan istripuz Euskal Herrian: bi laborari, Duzunaritza-Sarasketan (Nafarroa Beherea) eta Uztaritzen (Lapurdi), traktorea iraulita; beste bi, goitik erorita, Ollokin eta Garesen (Nafarroa); beste bi, Garesko esne ustiategi batean; Bermeon (Bizkaia) ere bihotzekoak jota zendu zen langile bat. Urtea hasi zenetik, 36 langile hil dira lanean ari zirelarik.
