Azpeitiko (Gipuzkoa) taxi gidaria hiltzea egotzita atxilotutako gizona behin-behinean espetxeratu dute. Azpeitiko instantziako auzitegiko 2. ataleko epaileak eman du agindua. Su armaz egindako hilketa egotzi diote.
Hilketa asteartean izan zen, 20:15ean. Ustezko hiltzaileak taxi bat jo zuen autoarekin, eta taxilaria tirokatu hura autotik jaitsi zenean. Han bertan hil zen 31 urteko gizona, eta tiratzaileak ihes egin zuen. Haren autoa Azpeitiko beste toki batean aurkitu zuten, gauean. Harrezkero, erasotzailearen bila aritu zen Ertzaintza.
Larunbatean, 05:30ean, bere burua entregatu zuen Ondarroako polizia etxean (Bizkaia), eta Ertzaintzaren esku dago ordutik. Su arma bat eman zien poliziei, eta atxilo hartu zuten, su armaz egindako hilketa leporatuta.
