Trebiñuko enklabea Araban integratzeko lan mahaiko kideek kontzentrazioa egin dute gaur, Panguan. Trebiñu administratiboki Arabaren parte izateko beste pauso bat eman nahi izan dute, eta beste bultzada bat eman diote Trebiñuko enklabea Araban integratzeko aurten sortutako mahaiari. Bestalde, gaur hasi dira San Formerio jaiak, eta integraziorako mahaia han ere izango da.
Ekainean sortu zuten mahai hori, eta lau alderdik osatzen dute: Trebiñuko Konderriko Talde Independentea, EH Bildu, EAJ eta TDD. Egitasmo hori martxan jarrita Trebiñu administratiboki ere Arabaren parte izateko helburuari bultzada bat eman nahi diote, enklabea Araban integratzeko bide bat zabalduta. EH Bilduk, EAJk eta alderdi independenteetako zenbait zinegotzik osatu zuten hasierako taldea, eta bigarren bilera egin zuten hilabete hasieran.
Bigarren bilera horretan, PPk izan ezik, Trebiñuko konderrian eta Argantzon (Araba) inguruan ordezkaritza duten alderdi guztiek bat egin zuten Trebiñuko enklabea Araban integratzeko mahaiarekin.
