Euskal Herri osoko adingabeei eragingo dien neurri baten berri eman dute oraintsu. Frantziako eta Espainiako gobernuek iragarri dute sare sozialak erabiltzea debekatuko dietela 15 eta 16 urtez azpiko gazteei. Maitane Ormazabal psikologoak gogoratu du sare sozialak «adikzioa» eragiteko diseinatuta daudela.

'Dark romance' literatura generoak emakumeak ditu idazle, protagonista eta irakurle nagusi. Milioika jarraitzaile ditu munduan, baina euskal literaturara ez da iritsi olatua. Erein aurten da kaleratzekoa lehen nobela erromantikoa.

Gazteak dira, euskaldunak, eta telesailetan ari dira lanean. Hobeko Gonzalez Viñaspre, Xabier Elizalde, Angela Etxaniz eta Ainhoa Larrañaga Madrilen bizi dira eta lagunak egin dira. 

Frantzian 15 urtetik beherakoei ezarri nahi diete debekua. Ipar Euskal Herriko adingabeei eragingo lieke neurriak. Espainiak iragarritako neurriak, berriz, Hego Euskal Herriko adingabeei eragingo die. 

Parlamentuak lege proiektua ontzat ematen badu, datorren ikasturtearen hasierarako egongo litzateke neurria indarrean.  Nerabeen osasun mentala zaintzea da asmoa.

Maria Txibite Nafarroako presidenteari eta Imanol Pradales Eusko Jaurlaritzako lehendakariari zibereraso bat egin diete berriki. Erabiltzaile batek haien datu pertsonalak filtratu ditu, beste 45 kargudun publikoren datuekin batera. Aditu batek zenbait aholku eman ditu halakoetatik babesteko.

Decung gazte zuberotarrak bere lehen bideojokoa egin du, euskaraz, eta oso harrera ona izan du. Haren ustez, ohiturak aldatu behar dira euskaraz jostatzeko; izan ere, bideojoko gehienak erdaraz dira.

Bullying kasu baten harira, hausnarketa interesgarria egin du iritzi artikulu honetan Onintza Enbeitak. Berben poza atalean, biktimak dauden lekuan biktimarioak ere badaudela dio.

Adimen artifizialak kazetaritzan eta oro har informazioaren munduan ekar dezakeen egoera aztertu dute Bilbon mahai inguru batean, BERRIAk antolatuta. Dagoeneko desinformazio asko dagoen egoera bat areago nahas dezake adimen artifizialak. Haren arriskuez ez ezik, eman dakiokeen erabilera ere hartu dute aintzat.