Albistea entzun

ERREZETA

Barazkiak otarrainxkekin

ANDONI CANELLADA / FOKU Tamaina handiagoan ikusi

Iker Markinez - Kuko Jatetxea, Ormaiztegi

2021eko urriak 30

OSAGAIAK 4 LAGUNENTZAT

8 otarrainxka handi.
Tipula 1.
2 baratxuri ale.
Kilo erdi baserriko leka.
Kuiatxo 1.
2 azenario.
Oliba olioa.
Gatza.

1. Tipulak eta baratxuriak juliana erara moztu, eta azenarioak eta kuiatxoa, lauki txikietan. Barazki horiek lapikoan jarri, eta olioa eta gatza bota. Su motelean ordubetez goxatzen utzi. Tarteka nahastu.

2. Bitartean, otarrainxka handiak zuritu, burua eta buztana izan ezik.

3. Lapiko bat urez bete, eta gatz pittin batekin irakiten ipini. Bitartean, lekak juliana moduan moztu. Ur irakinetan sartu, eta 10-15 minutuz egosi. Jarraian, ur hotzetik pasatu, egosketa prozesua mozteko.

4. Otarrainxka handiei gatza bota, eta aurrez ondo berotutako zartagin batean, pasatu minutu bat alde bakoitzetik, oliba olio eta gatz pittin batekin.

5. Otarrainxkak erretilu batera atera, eta zartagin berberean barazki guztiak berotu. Horrela, berotzearekin batera otarrainxkak zartaginean utzi duten zaporea hartuko dute barazkiek ere.

6. Bukatzeko, plater baten behealdean barazkiak zabaldu, eta gainean otarrainxka handiak jarri.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Ituño aktorea ©Javier Lizon / Efe

‘La casa de papel’ Netflixeko lehen tokian jarri da AEBetan

Urtzi Urkizu

Iruñeko sanferminak eta Pasaiako portua aipatzen dira azkeneko ataletan. Iñigo Aranbarri Azkoitiko (Gipuzkoa) aktoreak rol txiki bat jokatzen du. Protagonisten artean dira Itziar Ituño, Ramon Agirre, Ahikar Azkona eta Najwa Nimri.

Wikipediaren sakelerako aplikazioaren ikonoa. ©SASCHA STEINBACH / EFE

Euskarazko Wikipediak 20 urte bete ditu gaur

Edu Lartzanguren

Gaur, Wikipedia lantzen duten munduko hizkuntzen artean 33. postuan dago euskara artikulu kopuruari dagokionez, estatu hizkuntza diren hainbat eleren aurretik.

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.