Albistea entzun

ERREZETA

Txipiroiak beren tintan

IKER MARKINEZ Tamaina handiagoan ikusi

Iker Markinez - Sukaldaria

2022ko abenduak 24

OSAGAIAK
6 LAGUNENTZAT

Bi kilo txipiroi.
Txipiroien tinta.
Hiru tomate gorri fresko.
Hiru baratxuri ale.
Hiru tipula eder.
Bi piper berde.
Basokada bat ardo zuri.
Gatza.
Oliba olio birjina.
Ura.

1. Txipiroiak erosi, eta garbitu egingo ditugu. Utzi aparte hegalak eta garroak.

2. Ongi garbitutakoan, txipiroi bakoitzaren bi hegalak eta garroak txipiroien barnean sartuko ditugu. Trikimailu bat: txipiroiei barnealdea garbitzeko buelta ematen diegunean, ez diegu berriro bueltarik emango, eta horrelaxe beteko ditugu. Modu horretan ez dugu txotxik erabili beharko txipiroiak ixteko, eta ez zaigu barnean sartutakoa kanpora aterako.

3. Errezetarekin hasteko, moztu tipulak eta piper berdeak, eta jarri lapiko handi bat sutan berotzen.

4. Bota olio txorrota bat lapikora, eta gehitu moztutako tipulak eta piperrak. Baita baratxuri aleak ere, osorik. Erregosi hogei bat minutuan, su ertainean.

5. Gehitu ardo zuria eta eduki sutan minutu pare batean. Moztu tomateak zati handitan eta gehitu lapikora. Bota pare bat litro ur, txipiroien tinta eta gatz pitin bat. Utzi irakiten ordu laurden batean. Txikitu irabiagailu elektrikoarekin, eta pasatu txano batetik.

6. Bota olio txorrota bat beste lapiko batera, eta, beroa dagoenean, gehitu txipiroiak. Gatza bota, eta erregosi hamar minutuan, taparik gabe eta su bizian. Orduan konturatuko gara nola zartaginean txipiroiak egitean itxi egingo zaien zuloa eta, beraz, ez den beharrezkoa txotxa jartzea.

7. Txipiroien lapikora bota lehen prestatutako saltsa beltza, gehitu ur pixka bat, eta eduki ordubetez su motelean irakiten, txipiroiak biguntzeko eta saltsa loditzeko. Saltsa lodi samarra sumatzen badugu, gehitu ur pixka bat; saltsa mehea badago, eduki denbora gehiagoz su bizian, loditzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ondarroako (Bizkaia) Kamiñazpi auzoan dagoen murala, Lian artistarena. ©Berria

Lian muralgilearen Ondarroako artelana, munduko hiru onenen artean

Paulo Ostolaza

Bozketa egin dute 2022an munduan egin diren ehun muralik onenen artean, eta hirugarren postua lortu du Kataluniako artistaren lanak. Kamiñazpi auzoan dago.

 ©BERRIA

«Besteez barre egiteari utzi behar diogu»

Unai Etxenausia

Konbentzituta dago Montalvo: arte eszenikoak ikuspegi feminista batetik abiatuz landu behar dira. Umorea feminismoarekin uztartzen duen formakuntza bat aurkeztuko du asteburuan, Ozetan.
Bego Viñuela kaligrafoa, <em>kaligrafia</em> hitza lumaz idazten, Bilboko bere estudioan. ©OSKAR MATXIN EDESA / FOKU
Jokin Etxeberria, <em>Muak</em>-en. ©MUAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...