ERREZETA
Txekor masailak saltsan
OSAGAIAK 4 LAGUNENTZAT
Kilo bat txekor masail.
Porru 1.
2 Tipula.
2 Azenario.
4 Baratxuri ale.
Piper beltz ale batzuk.
3/4 litro ardo beltz.
Basokada bat Porto.
Oliba olioa.
Gatza.
1. Lapiko handi bat su bizian berotzen jarri. Jarraian, txekor masailak bertan jarri, eta oliba olio zurrusta bat bota, baita gatz pittin bat ere. Su bizian eduki lau minutuz alde batetik, eta gorritzean bestetik, beste lau minutuz.
2. Bitartean, ditugun barazkiak (porrua, tipula, azenarioa, eta baratxuri aleak) garbitu, zuritu eta pusketatan moztu. Masailak ondo gorrituta daudenean, barazki guztiak lapikora gehitu, sua moteldu, eta hamabost minutuz erregosi.
3. Basokada bat Porto gehitu, eta ardo beltza ere bai. Horrekin batera, piper beltz aleak gehitu, eta sua bizitu. Ardoak duen alkohol soberakina guztiz lurruntzeko; gutxi gorabehera hogei bat minutuz irakiten eduki. Lapikoko salda erdira murriztu arte.
4. Ura gehitu lapikora, txekor masailak erabat estali arte. Ondoren, ordubete inguruz irakiten eduki (masailaren xamurtasunaren arabera, denbora gehixeago edo gutxixeago izan daiteke). Masailak lapikotik erretilu batera atera.
5. Orain, lapikoan duguna txinoaren laguntzaz pasatu, eta gatzez nola dagoen dastatu. Salda fina gelditu bada, denbora gehixeagoz irakiten mantendu, lodiera pixka bat hartu arte.
6. Txekor masailak xerratan moztu. Horretarako, komenigarria da hotzak egotea, bestela ezingo baitira ondo moztu. Gero, saltsa dagoen lapikora gehitu, eta irakin azkar bat eman. Prest daukagu, beraz, jaki goxo hau plateretan zerbitzatzeko.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
