ERREZETA

Tuterako tomate entsalada txipiroiekin eta Ibarrako piperrekin

Tuterako tomate entsalada txipiroiekin eta Ibarrako piperrekin.
Tuterako tomate entsalada txipiroiekin eta Ibarrako piperrekin. I. MARKINEZ

Iker Markinez - Kuko Jatetxea, Ormaiztegi

2019ko ekainak 8
OSAGAIAK 4 LAGUNENTZAT
Kilo bat txipiroi, garbituta (20 bat pieza)
4 tipula
4 baratxuri ale
Tuterako 2 tomate
Ibarrako piperrak
Oliba olioa
2 koilara bete sagardo ozpin (aukeran)
Perrexila
Gatza

1. Tipulak eta baratxuriak juliana erara moztu. Lapikoan jarri, eta olioa eta gatza bota. Su motelean ordu betez goxatzen utzi. Tarteka, nahastu.

2. Tuterako tomateak garbitu. Tamaina handikoak izaten dira; beraz, lau xafla loditan moztu, eta plater bakoitzean bana jarri.

3. Aurrez garbitutako txipiroiei gatza bota, eta plantxa beroan pasatu: minutu bat baino ez alde bakoitzetik. Plantxarik ez bada eskura, zartagin batean egin daitezke, berdin-berdin. Ondoren, tipula eta baratxuria dauden lapikora bota, hoztu ez daitezen.

4. Jarraian, beste zartagin bat hartu, eta frijitu Ibarrako piperrak oliba olioarekin. Ondoren, sukaldeko papera jarria duen plater batera atera, olio soberakina kentzeko. Gero, gatz pixka bat bota.

5. Platera bukatzeko, tomate xafla bakoitzaren gainean txipiroiak jarri, eta, horien gainean, tipula goxatua. Azkenik, kokatu Ibarrako piperrak tomatearen bueltan, eta mahaira zerbitzatzeko prest izango da plater koloretsu eta zaporetsua hau.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna