Albistea entzun

ERREZETA

Barazki risottoa

ANDONI CANELLADA / FOKU Tamaina handiagoan ikusi

Iker Markinez - Kuko jatetxea Ormaiztegi

2021eko urriak 16

Osagaiak
4 LAGUNENTZAT
400 g arroz, Arborio edo Carnaroli motakoa.
Kuiatxo 1.
Ziazerba sorta 1.
Azenario 1.
Tipulin 1.
2 baratxuri ale.
Tomatea.
200 g txanpiñoi.
Gatza.
Oliba olio birjina.
Parmigiano gazta.
Gurina, koilarakada bat.

1. Kuiatxoa eta azenarioa garbitu eta zuritu —azenarioa bakarrik—, eta karratu txikietan moztu. Baita tipulina eta baratxuri aleak ere.

2. Lapiko batean, oliba olio txorrotada bat bota, eta, ongi berotu ondoren, txanpiñoiak gehitu, pusketatan. Pare bat minutuz erregosi, eta, pixpal baten laguntzaz, guztiak atera, eta gorde. Lapiko berean beste olio txorrotada bat gehitu, eta barazki guztiak gehitu. Gatz pittin bat bota. Hogei bat minutuz erregosi, su motelean.

3. Ondoren, tomatea eta ziazerbak zatitan moztu, eta lapikora gehitu. Beste bost minutuz erregosi, eta nahastu.

4. Ondoren, arroza gehitu, eta ura ere bai, arrozaren kantitatea halako hiru. Beste gatz pixka bat bota, eta, irakiten hastean, gorderik ditugun txanpiñoi zatiak ere hor nahastu. Irakiten eduki, hogei minutuz. Kontuan hartu bost minutuan behin arroza ongi nahastu behar dugula. Sua itzali, eta 100 gramo parmigiano gazta birrundu eta gurin koilarakada bat gehitu; nahastu beste pare bat minutuz. Horrelaxe, prest izango dugu risotto goxo-goxoa dastatzeko.

Garai honetako onddoak edukitzeko zortea baduzue, txanpiñoien ordez erabil ditzakezue errezeta honetan, noski!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Ituño aktorea ©Javier Lizon / Efe

‘La casa de papel’ Netflixeko lehen tokian jarri da AEBetan

Urtzi Urkizu

Iruñeko sanferminak eta Pasaiako portua aipatzen dira azkeneko ataletan. Iñigo Aranbarri Azkoitiko (Gipuzkoa) aktoreak rol txiki bat jokatzen du. Protagonisten artean dira Itziar Ituño, Ramon Agirre, Ahikar Azkona eta Najwa Nimri.

Wikipediaren sakelerako aplikazioaren ikonoa. ©SASCHA STEINBACH / EFE

Euskarazko Wikipediak 20 urte bete ditu gaur

Edu Lartzanguren

Gaur, Wikipedia lantzen duten munduko hizkuntzen artean 33. postuan dago euskara artikulu kopuruari dagokionez, estatu hizkuntza diren hainbat eleren aurretik.

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.