Albistea entzun

ERREZETA

Txerri saiheskia labean

JON URBE / FOKU Tamaina handiagoan ikusi

Iker Markinez - Kuko jatetxea

2019ko abenduak 14 - Ormaiztegi

OSAGAIAK 4 LAGUNENTZAT
Kilo eta erdi Basatxerri saiheski.
Tipula 1.
Baratxuri buru 1.
2 tomate.
Oporto basokada 1.
Dozena bat txanpiñoi.
Gatza.
Oliba olioa.
Piperbeltz hautsa.

1. Laberako erretilu batean, bi tomateak osorik ipini, bat alde bakoitzean. Beste aldeetan, tipula jarri, zuritua eta erditik moztua. Saiheskiari gatza eta piper hautsa bota, eta erretiluaren erdian jarri.

2.Baratxuri burua aletu, baina zuritu gabe, eta aleak saiheskiaren bueltan zalbadu. Oliba-olio txorrotada bat gehitu, eta taza bat ur ere bai, labean gehiegi lehor ez dadin.

3. Labea berotzen jarri, baina adi, 130 graduan nahikoa; izan ere, errezeta honen sekretuaren zati handi bat egosketa motel eta tenperatura ertainean dago.

4. Labean sartu, eta bi ordu eduki, ukitu gabe. Gero, labetik atera, eta saiheskia beste erretilu batera pasatu. Jarraian, labea bete-betean berotzen jarri, bukaerarako prest edukitzeko. Barazkiak eta erretiluko salda txino batetik pasatu —iragazteko bakarrik—, eta salda hori saiheskiaren gainean zabaldu.

5. Ondoren, zartagin batean txanpiñoiak erregosi: xafletan moztuak oliba olio eta gatz pittin batekin, pare bat minutuz. Oporto basokada bat gehitu, eta dena irakiten mantendu, salda murriztu arte.

6. Saiheskia berriro labean sartu. Labea oso beroa egongo denez, hogei minutu eduki ondoren saiheskia kirriskatsu eta kolore ilunarekin egongo da.

7. Atera labetik, eta txanpiñoiak Oporto saltsarekin gehitu; beste bost minutuz sartu labean. Mahaira zerbitzatzeko, nahi izanez gero, letxuga entsaladatxo bat nahikoa izango da lagungarri gisa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.