Albistea entzun

ERREZETA

Kataluniar koka tosta

JON URBE / FOKU Tamaina handiagoan ikusi

Iker Markinez -

2021eko otsailak 20 - Kuko jatetxea, Ormaiztegi

OSAGAIAK
Ogi orea egiteko:
500 g irin.
10 g legamia fresko.
300 g ur.
10 g gatz.
Tipula 1.
Piper gorri morro 1.
2 piper berde.
3 baratxuri ale.
2 antxoa-kontserba lata.
Cherry motako 12 tomate.
Oliba olioa.
Gatza.

1. Ogi orea prestatuko dugu lehenik: horretarako, ontzi batean irina jarri, legamia xehatua gehitu, eta gatza eta ura ere bai. Osagai guztiak ongi nahastu, eta bertan utzi, ontzia ongi estalita, ordu erdi batez.
2. Ondoren, ogi orea mahai gainean jarri, eta, ogiarekin egiten dugun moduan, eskuz ongi landu, bost bat minutuz. Berriz ere ontzian sartu, estali, eta hiru bat orduz hartzitzen utzi.
3. Bitartean, barazkiak juliana moduan moztu, baita baratxuri aleak ere. Ordubetez erregosi oliba-olio txorrota batekin, zartagin batean, su motelean. Gatz oso gutxi gehitu. Olio soberakina kendu, guztia plater batera atera, eta gorde.
4. Behin orea ondua dugunean, lau puskatan banatu. Opil luze eta fin baten itxura emanez zabaldu, arrabola batekin. Opil horiek laberako paperaren gainean jarri. Fin gelditzea garrantzitsua da. Labea berotzen jarri, 200 gradutan. Cherry tomateak erditik moztu, eta opilen gainean banandu. Sardexka baten laguntzaz, prestaturik dugun piperrada opilen gainean zabaldu. Antxoa lata bat zabaldu, antxoak zati txikitan zatitu, eta opilen gainean banatu. Labea beroa dagoenean, barrura sartu, eta hamabost bat minutuz utzi, batez ere ogia ongi erregosi dadin.
5. Atera, eta beste latako antxoak osorik opilen gainean zabaldu. Platerean jarri. Nahi baduzue, gehitu oliba-olio txorrota bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina, noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.