Albistea entzun

ERREZETA

Garaiko kutixien panaxea

IKER MARKINEZ Tamaina handiagoan ikusi

Iker Markinez - Sukaldaria

2022ko abenduak 10

OSAGAIAK
4 LAGUNENTZAT

Kale edo aza kizkurra, 12 hosto.
Zerba hostoak, 6.
Tipula bat.
Kalabaza puska bat.
Urdaiazpikoa, 100 gramo.
Gatza eta oliba olioa.

1. Lehenik, barazkiak garbitzen hasiko gara. Bereiztu zerbaren orri mamia eta hostoa. Orri mamiei ongi kendu behar zaizkie iletxoak, eta makila txikietan moztu behar dira. Azari bereiztu zurtoina eta hostoak. Kalabaza zuritu eta lauki marduletan moztu. Tipula ere moztu neurri ertaineko karratuetan. Errezeta honetan garrantzitsua da barazki zatiak oso txikiak ez izatea; horrela, barazkien zapore desberdinak elkarren artean nabarmenagoak izateko.

2. Barazkiak egosi behar dira. Jarri ura eta gatza lapiko handi batean. Irakiten hasten denean, aurrena sartu zerbaren orri mamiak. Utzi egosten hamar minutuan, eta gero atera ur hotzez betetako erretilu batera. Utzi hozten.

3. Zerba hostoak osorik sartu ur irakinetan. Hiru bat minutuan egosiko dira. Bitartean, atera orri mamiak ur hotzetatik, eta gorde.

4. Zerba hostoak egositakoan, jarri ur hotzetan. Kontuan izan barazkiak hozten diren bitartean ur hori epeltzen joango dela. Tarteka, berritu ura, hotz jarraitzeko.

5. Azkenik, aza hostoak ere modu berdinean egosi, bost bat minutuz, eta modu berean freskatu.

6. Plater honetan ez da komeni egositako barazkiek ur soberakinik izaterik. Horregatik, erretiluan bildutako barazkiak estutu pixka bat eskuekin, ura ongi kentzeko.

7. Jarri zartagin zabal bat sutan, olio txorrotada batekin. Berotzen hastean, bota kalabaza eta tipulina. Baita gatz pitin bat ere. Hamar minutuz erregosi, eta gehitu aza eta zerbaren orri mamiak. Pare bat minutuz erregosi, beti su bizian. Zerba hostoa moztu juliana eran, eta gehitu zartaginera.

8. Beste zartagin txiki batean oliba olioa jarri, gehitu urdaiazpikoa —puskatan moztua—, eta frijitu.

9. Barazkiak platereratu. Jarri gainean urdaiazpiko frijitua, eta bota oliba olio pixka bat gainetik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ondarroako (Bizkaia) Kamiñazpi auzoan dagoen murala, Lian artistarena. ©Berria

Lian muralgilearen Ondarroako artelana, munduko hiru onenen artean

Paulo Ostolaza

Bozketa egin dute 2022an munduan egin diren ehun muralik onenen artean, eta hirugarren postua lortu du Kataluniako artistaren lanak. Kamiñazpi auzoan dago.

 ©BERRIA

«Besteez barre egiteari utzi behar diogu»

Unai Etxenausia

Konbentzituta dago Montalvo: arte eszenikoak ikuspegi feminista batetik abiatuz landu behar dira. Umorea feminismoarekin uztartzen duen formakuntza bat aurkeztuko du asteburuan, Ozetan.
Bego Viñuela kaligrafoa, <em>kaligrafia</em> hitza lumaz idazten, Bilboko bere estudioan. ©OSKAR MATXIN EDESA / FOKU
Jokin Etxeberria, <em>Muak</em>-en. ©MUAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...