Albistea entzun

ERREZETA

Orburuak foie freskoarekin

IDOIA ZABALETA / FOKU Tamaina handiagoan ikusi

Iker Markinez - Kuko Jatetxea, Ormaiztegi

2018ko abenduak 22

OSAGAIAK

4 PINTXOTARAKO

12 orburu.

4 xerra foie fresko.

Muxika konfitura koilarakada bat.

Baso erdia Portoko ardoa.

Oliba olio birjina.

Baratxuri ale bat.

Gatza.

Irina.

1

Lapiko bat urez bete, eta bota irin koilarakada pare bat eta gatz pittin bat. Sutan jarri, irakin arte.

2

Bitartean, orburuak prestatzen hasiko gara. Horretarako, orburuari lehen orriak kenduko dizkiogu. Beldurrik gabe kendu: horretan dago sekretua. Bestela, kanpoko geruza horiek gogor samar egoten dira jateko.

3

Zuztarrak zuritu, findu arte. Gauza bera egin beste orburuekin, eta punta aldea ere ondo moztu orburu bakoitzari. Garrantzitsua da ordena hori errespetatzea; bestela, orburuak azkar belzten hasiko dira.

4

Ur irakinera bota, eta hogei bat minutuz irakiten eduki. Sua itzali, eta bertan utzi, epeldu arte.

5

Ondoren, orburuak atera eta erditik moztu, puntatik buztanera.

6

Zartagin batera oliba olio txorrotada bat bota, eta bertan baratxuri xehatua gehitu. Dantzan hastean, irin koilarakada bat gehitu, eta egositako orburuen saldaren kazokada bat ere bai. Zartagin hori pil-pilean mantendu, eta orburuak bertara gehitu, errezetaren beste zatia egin bitartean.

7

Foie pusketei gatza bota. Zartagin bat berotzen jarri, oliorik gabe. Berotzen denean, foie pusketak bertara bota, eta minutu batez frijitu. Buelta eman, eta beste minutu batez frijitu.

8

Ondoren, paperezko zapiz estalitako plater batera atera. Zartaginean gelditu den koipea kendu, eta, sutatik kendu gabe, koilarakada bat muxika konfitura gehitu, baita baso erdi Portoko ardo ere. Pare bat minutuz irakiten mantendu, alkohola lurrindu dadin.

9

Bukatzeko, plater batean orburuak ipini, gainean foie pusketa, eta horren gainean Porto eta muxika saltsa pixka bat.

Ea animatzen zareten Gabon egun hauetarako plater goxo eta berezi hau prestatzen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mahai inguruko partaideak, atzo, EHUren Leioako campusean. ©MONIKA DEL VALLE / FOKU

Euskararen xehetasunak

Amaia Igartua Aristondo

EHUko irakasleak dira, atzerritarrak, eta helduaroan euskaldunduak, lanagatik besteak beste. Euskara ikastearen esperientzia xehatu dute EHUk antolatutako solasaldi batean.
 ©CC0

GIBaren aurkako hesi bat prest

Iker Tubia

Askotarikoak dira GIB birusari aurre egiteko estrategiak. Botika baten bidez ere izkin egin dakioke infekzioari: Prep esposizio aurreko profilaxiarekin. GIB birusarekiko esposizio arriskua izan dezaketenek eska dezakete.
Joseba Ezkurdia eta Jokin Altuna, Lau eta Erdiko Txapelketako finalean, azaroaren 20an. ©ARITZ LOIOLA / FOKU

ETB2k %7,7ko ikusle kuota izan du azaroan, 2019ko udatik txikiena

Urtzi Urkizu

ETB1ek %1,9ko batezbestekoa du; lau eta erdiko finalak %24,5eko ikusle kuota lortu zuen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.