Albistea entzun

ERREZETA

Orburu eta bakailao entsalada

GORKA RUBIO / FOKU Tamaina handiagoan ikusi

Iker Markinez - Kuko Jatetxea, Ormaiztegi

2019ko martxoak 16

OSAGAIAK 4 LAGUNENTZAT

Dozena bat orburu.

2 tako bakailao gezatu.

2 baratxuri ale.

2 tomate heldu.

Oliba olio birjina.

Gatza.

Ozpina.

Irina, orburuak egosteko.

1. Lapiko bat urez bete, eta irin koilarakada pare bat eta gatz pittin bat bota. Sutan jarri berotzen, irakin arte.

2. Bitartean, orburuak prestatzen hasiko gara. Horretarako, orburuari lehen orriak kenduko dizkiogu; beldurrik gabe kendu —hor dago sekretua—, bestela kanpoko geruzek gortasun puntua ematen diote jatean.

3. Zuztarrak, berriz, moztu gabe zuritu, findu arte. Gauza bera egin beste orburuekin, eta punta aldea ere ondo moztu orburu bakoitzari. Garrantzitsua da ordena hau errespetatzea; bestela, orburuak azkar belzten hasiko dira.

4. Orain, ur irakinetara bota, eta hogei bat minutuz irakiten eduki. Sua itzali, eta bertan utzi epeldu arte. Gero, orburuak atera eta erditik moztu, puntatik buztanera. Gorde.

5. Orain, lapiko batean oliba olio zorrotada bat bota, eta bertan baratxuri aleak ipiniko ditugu frijitzen. Aleak dantzan hastean, bertara bakailao puxka bat gehitu, eta bakailaoa poliki-poliki azukreztatu hamar bat minutuz.

6. Gero, sua itzali, eta bakailaoa bertan eduki olioa epeltzen den bitartean. Jarraian, atera eta azala kendu, eskuekin lagunduta, eta xaflatan banatu. Plater batean gorde, eta gainetik egosketa honetako olio pixka bat bota.

7. Tomateak uretan egingo ditugu. Horretarako, lapiko batean ura ipini eta irakiten jarri. Tomateei bihotza kendu, eta behe aldean gurutzetxo bat egin labanarekin.

8. Ondoren, ur irakinetan sartu, eta, hamar segundo pasatu ondoren, ur hotzez beteriko erretilu batera pasatu; horrela, egosketa prozesua moztuko dugu, eta azala bere kasa altxatuko da. Jarraian, azala eta haziak ongi kendu, eta tomateak tira luzetan moztu.

9. Orain, prestaketa bukatzeko, orburuak borobilean erretiluan jarri, eta erdian bakailao xaflak eta tomate zatiak ongi zabaldu. Guztia ozpin-olioz bustitzea besterik ez zaigu gelditzen.

10. Ozpin-olioa egiteko, bakailaoaren egosketako olioa erabiltzea gomendatzen dizuet.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

1 ©ENEKO SALABERRIA / EZEZAGUNA

Ezkilen hotsak badu ahotsa

Ainize Madariaga

Unescok ondare immaterialeko kultur ondasun gisa onartu du Espainiako Estatuko ezkilen eskuzko jotzea. Iruñeko katedraleko, Iurretako, Aretxabaletako eta Oiartzungo kanpai joleek eman dute beren lekukotasuna. Ipar Euskal Herrian ez da haboro ezkila jolerik atzematen.
 ©NATXO MATXIN EDESA / FOKU

«Gizakia anekdota bat da eboluzioan»

Naroa Torralba Rodriguez

Darwin txarto interpretatua izan da: eboluzioa ezin da ulertu espezie orok Lur planetan duen elkarrekiko dependentziarik gabe. Lotura hori erakusten du Ptqk-k zuzendutako Zientzia frikzioa erakusketak.

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...