ERREZETA

Bakailaoa tomate fresko eta barazkiekin

BERRIA Tamaina handiagoan ikusi

Iker Markinez -

2020ko ekainak 13

OSAGAIAK 4 LAGUNENTZAT
800 g bakailao gezatu.
Piper gorria.
Piper berdea.
Tipula bat.
Baratxuri aleak.
Azenario bat
Bi tomate heldu.
Gatza eta oliba olioa.

1. Lehenik, bakailaoa konfitatuko dugu. Horretarako, oliba olioa lapiko txiki batean berotzen jarri, erdiraino. Bitartean, bakailoa lau puska handitan banatu.
Azala gorantz begira dutela, oliotan sartu, eta, su oso motelean, hamabi bat minutuz eduki; oso garrantzitsua da sua motel edukitzea. Horrela, konfitatu egingo dugu.

2. Gero, sua itzali, eta bakailaoa erretilu batera atera.

3. Barazkiak puska txikietan moztu. Lapiko batean jarri, eta konfitatzeko erabili dugun oliotik koilarakada batzuk gehitu, eta bertan barazkiak gatz pittin batekin erregosi, hamabost bat minutuz, eta gorde.

4. Tomate saltsarako, bi tomateei bihotza kendu, eta pusketatan banatu. Bakailaoa konfitatzeko erabili dugun lapikoan, konturatuko gara olioaren azpialdean, konfitatzeko garaian, bakailaoak utzitako salda bat dugula. Beraz, lapiko horretatik oliorik gehiena kendu —beste egun batean entsalada baterako erabil dezakegu—, eta gainerakoa berotzen jarri, eta bertara tomate puskak gehitu. Hamar edo hamabost minutuz irakin ondoren, txinotik pasatu, eta tomate saltsa zaporetsua lortuko dugu.

5. Tomate saltsa barazkiak dauden lapikora gehitu, eta berotzen ipini. Irakiten hastean, konfitaturiko bakailao puskak gehitu bertan, eta pare bat minutu irakiten eduki. Prest dugu zerbitzatu eta goxo-goxo dastazeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna