Albistea entzun

ERREZETA

Onddo eta ziza horiak plantxan

JON URBE / FOKU Tamaina handiagoan ikusi

Iker Markinez - Kuko Jatetxea

2020ko urriak 17 - Ormaiztegi

OSAGAIAK 4 LAGUNENTZAT
3 onddo.
Dozena bat ziza hori.
2 tipula gozo.
3 baratxuri ale.
Arrautza.
Gatza.
Oliba olioa.

1. Tipulekin hasiko gara: zuritu, eta laukietan moztu. Lapiko batean, jarri olio zorrotada batekin hamabost minutuz erregosten, su ertainean, gatz pixka batekin. Ondoren, gorde.
2. Bitartean, onddoak garbitu: labanaren puntarekin pixka bat txortena zuritu, eta, traputxo busti baten laguntzaz, ongi garbitu txapelak banan-banan; ondoren, xafletan moztu. Ziza horiak ere berdin garbitu. Horiek xafletan moztu beharrean, erditik moztu, edo handiak izanez gero, laurdenetan.
3. Zartagin bat sutan jarri, oliorik gabe; ongi beroa dagoenean, onddo xaflak hirunaka edo launaka bertan jarri, gatz pittin batekin eta olio pixka batekin. Minutu baten ondoren, buelta eman, eta beste minutu batez mantendu. Hortik labeko erretilu batera pasatu. Horrela egin onddo xafla guztiekin, baita ziza puskekin ere. Orain, baratxuri aleak zuritu, eta puska txikietan moztu. Ziza eta onddoen gainean banandu baratxuriak. Labean, aurrez berotua, 250 graduan sartu, hiru bat minutuz.
4. Bitartean, arrautzak frijituko ditugu, pertsona bakoitzarentzat bat.
5. Azkenik, labetik atera, eta plateretan jarriko ditugu, plateren bueltan, erdian tipula goxatua eta tipularen gainean arrautza frijitua. Ondoren, labeko erretiluan dugun salda plateraren gainetik banandu.
Giro ederra horrelako platera dastatzeko!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Iñaki Etxeleku, Ipar Euskal Herriko Hitza

«Besta ez-komertziala izanen da; egiazko hartu-eman bat»

Iñaki Etxeleku, Ipar Euskal Herriko Hitza

Urriaren 31n Arimen Gaua lehen aldikoz ospatuko dute Itsasun, ikastolako eta beste bi eskola elebidunetako haurrekin. Trukea, harremana eta euskal kultura landu dituzte haurrekin.

Jendea Arbonako lur okupatuetan, gaur goizean, Lurrama jaialdiaren hasieran. ©Lurrama Elkartea

Lurrama jaialdia ospatu dute Arbonan

Berria

Kontzertuak, hitzaldi bat eta beste egin dituzte, eguraldia lagun. Arbonan kokatu dute aurten, okupazioari sostengua emateko.

EITBren <em>#Ekin_klima</em> kanpainaren irudia. Klima larrialdiaren inguruko makina bat saio emango dituzte. ©EITB

Klima larrialdiaren gaineko kanpaina bat abiarazi du EITBk

Urtzi Urkizu

ETBk dokumentalak, film laburrak eta saio bereziak emango ditu datozen asteetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.