Albistea entzun

ERREZETA

Nafarroako zainzuriak zizekin, ozpin-oliotan

GORKA RUBIO / FOKU Tamaina handiagoan ikusi

Iker Markinez -

2021eko ekainak 5

OSAGAIAK 4 LAGUNENTZAT

Kilo eta erdi zainzuri fresko.
Entsaladako tomate 1.
Tipulin 1.
Ziazerba hosto sorta bat.
Gatza.
Azukre koilarakada bat.
Oliba olio birjina.
Sagardo ozpina.
Modena ozpina.
Udaberriko ziza pare bat.

1. Zainzuri garaia bukatu aurretik, plater goxo baterako aprobetxatuko ditugu. Zainzuriak erosterakoan, produktuaren freskotasunari kontu hartu behar diogu, baita zainzuriaren lodierari ere; hatz lodiaren tamainakoak dira politenak.

2. Jada sukaldean, zainzuriaren behealdean (zuztarraldean) bost bat zentimetroko pusketa moztuko dugu. Ondoren, patatak zuritzeko tresnarekin, zainzuria erditik behera ongi zurituko dugu. Lan hori ondo egitea komeni da, bestela, jaterakoan haritxoak nabarituko baititugu. Ondo garbitu.

3. Urez beteriko lapiko handi bat sutan berotzen jarri, gatz eta azukre pixka batekin. Irakiten hastean, zainzuriak bota, eta 25 bat minutuz irakiten eduki. Sua itzali, eta gorde.

4. Ozpin-olioa prestatzeko, entsalada tomateari azala kendu, eta laukitxo txikietan moztu. Tipulina ere pusketa txikietan moztu, eta ziazerba hostoak, berriz, juliana fin-finean. Osagai horiek katilu batean jarri eta gatza gehitu, baita modena eta sagardo ozpin koilarakada bana ere; ondoren, dozena erdi koilarakada oliba olio. Ondo-ondo nahastu.

5. Zainzuriak ur epeletik atera, eta lehortu. Erditik moztu, eta plateretan jarri. Puntak zutik jarri daitezke, adibidez. Gainetik ongi oliozpindu.

6. Bukatzeko, garaiko beste produktu baten ukitu magikoa emango diogu. Ea osagai hau aurkitzeko aukerarik duzuen: ziza fresko pare baten xafla finak gainetik gehitu, eta dastatzeko prest izango dugu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Food 4 Future kongresuko azoka, BECen. ©MONIKA DEL VALLE / FOKU

Etorkizuna ate joka BECen

Maialen Arteaga

Food 4 Future etorkizuneko elikagaien nazioarteko kongresua egin dute BECen. Erronka berrien giltza elikaduraren kudeaketan dagoela uste dute.
Kabunker taldearen <em>Mezu bat espaziotik</em> animaziozko lanak lortu du lehen saria. ©GAZTEZULO

Kabunker taldeak irabazi du 'Gaztezulo'-ren bideo lehiaketa

Urtzi Urkizu

Epaimahaiak lehen saria eman die Andoni Carnovich, Eneko Fernandez eta Aitor Ollo sortzaileei

Suziriekin eta su argiekin Isuntzako kobazuloan egindako esperimentuak. ©IIIPC

Sutan, argiaren bila

Jakes Goikoetxea

Paleolitoko kobazuloetako margolanak egiteko zer-nolako argiztapen tresnak eta baldintzak behar izan zituzten ikertu du talde batek. Ondorioztatu dute esplorazio, plangintza, ahalegin eta trebetasun handia behar zutela margolanak egin ahal izateko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna