ERREZETA

Garbantzu eta kuskus entsalada

BERRIA Tamaina handiagoan ikusi

Iker Markinez -

2020ko ekainak 6

OSAGAIAK 4 LAGUNENTZAT
200 g garbantzu egosi.
200 g kuskus.
3 pikillo piper.
Piper berde 1.
2 tipulin.
Azenario 1.
Ahuakate 1.
Limoi 1.
Gatza eta oliba olioa.

1. Lehenik, garbantzuak egosiko ditugu; horretarako, azenario eta tipularekin batera egostea litzateke egokiena. Ondoren, hoztu. Egosketa horretatik lortzen dugun salda, beste egun batean, zopa eder bat egiteko ere erabil dezakegu. Beste aukera bat izan daiteke aurreko egun batean sobratutako garbantzuak errezeta honetarako erabiltzea.
2. Kuskusa egosteko, lehenik, neurtu 200 g horiek kikara edo ontzi txiki batean noraino iristen diren. Ondoren, erretilu batera pasatu. Jarraian, ura egosten jarri, baina neurtzeko erabili dugun katiluaren neurria halako bi. Urari gatz pittin bat eta oliba olio txorrotada bat bota, eta irakiten jarri. Irakin betean dagoenen, kuskusa dugun ontzira gehitu ura, eta, bizkor-bizkor, sukaldeko filmarekin ontzia ongi estali. Horrela, lurrinaren bidez egingo da kuskusa.
3. Ahuakatea zuritu, eta karratu txikietan moztu. Tipulinarekin, pikillo piperrekin eta berdeekin ere gauza bera egin.
4. Platereratzeko, kuskusa plateraren erdian jarri, bueltan garbantzu egosien aleak, eta guztiaren gainetik barazkiak zabaldu. Azkenik, oliba olio txorrotada bat gehitu, eta baita limoi erdi baten zukua ere. Nahiz izanez gero, ukitu exotikoa emateko, curry hauts pittin bat ere gehitu diezaiokegu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna